Robert Burns (Bobby Eaglesham) - Blythe Hae I Been + I'll Ay Ca' In By Yon Town

Blythe Hae I been On Yon Hill Blythe hae I been on yon hill, As the lambs before me; Careless ilka thought and free, As the breeze flew o'er me; Now nae langer sport and play, Mirth or sang can please me; Lesley is sae fair and coy, Care and anguish seize me. Heavy, heavy is the task, Hopeless love declaring; Trembling, I dow nocht but glow'r, Sighing, dumb despairing! If she winna ease the thraws In my bosom swelling, Underneath the grass-green sod, Soon maun be my dwelling. I'll Aye Ca' In By Yon Town Chorus-I'll aye ca' in by yon town, And by yon garden-green again; I'll aye ca' in by yon town, And see my bonie Jean again. There's nane sall ken, there's nane can guess What brings me back the gate again, But she, my fairest faithfu' lass, And stownlins we sall meet again. I'll aye ca' in, &c. She'll wander by the aiken tree, When trystin time draws near again; And when her lovely form I see, O haith! she's doubly dear again. I'll aye ca' in, &c   / robertburnspoetry     / robertburnsp   #Robert #Burns #RobertBurns #Poet #Poetry