جفران بن هضبان - ساحة الشعار - حجاج المهيمزي - بزواج الشاعر محمد اخو عبده

إشترك وفعل التنبيهات بـ قناة مساعد البراك الرسمية للحصول على الجديد كلمات : حجاج المهيمزي اداء : جفران بن هضبان تصميم : مساعد البراك ‏‎للتواصل مع مساعد البراك سناب ‏  / msa3d_albrrak   الكلمات لي حول خمس سنين مالي شفّ في بدع القصيد مِبعد وتارك ساحة الشعار نظم وملعبه من يوم مالساحه تعلقها العليمي والبليد كلٍ يقول انه هو الشاعر ويفتل بـ شنبه علايقٍ منها جماهير الشعر ماتستفيد والشعر والله ماهم من اهله ولاهم بـ عربه ابعدت عنهم مثل بعد مساعد ربيّع وعيد لو ابتعاد الشاعر المحسوب قتلة موهبه واهل المحافل يشهد الله من قريب ومن بعيد متعذرٍ منهم على شيٍ مابيه ولا ارغبه مير البلا بالمحفل اللي عن وجوبه مانحيد الي مخلينا غلا راعيه نرجع بـ سببه ليلة زواجك ياخو عبده نعتبرها ليل عيد ليلٍ تحرّينا قدومه من غلاة معزبه يامرحبا في حفل اخوي اثني تراحيبي وازيد بـ ضيوفه اللي شرفو حفله ولبو مطلبه من طيب راسه حضروْ بجمعٍ غفير ابنا رشيد من كل فج وصوب من شرق البلاد ومغربه واصحابه اللي نهجهم خيّر ومحزمهم جويد كلٍ من علوم السعد والعز مالي مزهبه هذا دليل انه وفيّ وانه نقي وانه سديد وانه خذا قسمه من التقدير والطيب اكسبه صدرٍ رحيب وخاطرٍ شرح وولد عم وعضيد فيه الكرم فطره وفيه الجانب الليّن هبه ناطح مواجيب الرجال بقو عزمن مايبيد ولافتر من دونها حيله ولارخى منكبه ياحي والله راسه الطيب عسى عمره مديد اللي مضري راسه الطيب لـ نطح الموجبه وان عاند الراس العنيد يطّوع الراس العنيد ماقدمه الا فعلٍ يحده ونارٍ تعطبه ياكثر مايفزع وينفع وخذو العلم الاكيد كم من رديٍ حاول يغلبه وبالطيب اغلبه وليا انفتح للشعر باب وطرّو علوم النشيد ياناشد انشدني عن محمد وانا اعلمك به من طلعته شاعر طلوعه عيد وضلوعه حديد ماتقل مرّ بـ مرحلة مبدا وفترة تجربه لا بالله الا يلفت الانظار بالبيت الفريد حتى نحت صم الصفا بالشعر والبحر شربه وليا استوى للقاف هجسه لاغريب ولاجديد انه يسر المستمع بالفكره اللي تطربه لاتحسبوني يوم ابالغ بالثنا وامدح واشيد لجل الصداقه والقرابه وانه عظام رقبه هذا حزام وراس مال وشيك مليانٍ رصيد حرٍ على عز ومعزه شب ناره وحطبه الحق نور ومن يغط الحق شيطانٍ مريد واللي يعد الحق رجالٍ شريفٍ مذهبه والطيب كايد بس لايمكن على الطيّب يكيد الي على بيض الفعول اصله وفصله يجذبه وعن مدحة الخيّب تقل مربوطن لساني بقيد والله ماحب اجامل الخيّب ولاحب اقربه والخاتمه كلن يوالي من يحب ومن يريد والمدح لاسيق ونصى من يستحقه ماطيبه ..