૧૦૮ એમ્બ્યુલન્સ કામ કેવી રીતે કરે છે ? | Dial 108 For Emergency ? | Podcast 1 | EMRI

૧૦૮ એમ્બ્યુલન્સ કામ કેવી રીતે કરે છે ? આપણા સૌની ઈમરજન્સી સરકારી સેવા એટલે ૧૦૮ ઈમરજન્સી આવે એટલે ૧૦૮ યાદ આવે... સાચી વાતને મિત્રો!!! આજે અમે આપ સૌ માટે વાત કરવાના છીએ ૧૦૮ વિશે જેની અમુક વાતોથી આપ અજાણ છો... ગુજરાત સરકાર દ્વારા નાગરીકોને સંકટ સમયમાં મદદરૂપ થવા માટે ૧૦૮ નંબરની ઈમરજન્સી સેવા કાર્યરત છે, જે આપ સૌ જાણો છો. જેનો ઉપયોગ આપણે સંકટ સમયે મેડિકલ ઈમરજન્સીમાં એમ્બ્યુલન્સ બોલાવવા, પોલીસની મદદ લેવા અને આગ લાગવાના કિસ્સામાં ફાયર બ્રિગેડ મંગાવવા માટે કરી રહ્યા છીએ. જેમાં આ સેવાનો સૌથી વધુ ઉપયોગ મેડિકલ ઈમરજન્સીમાં થાય છે અને મોટા ભાગના અકસ્માત, ડિલિવરી કે અન્ય આકસ્મિક બીમારીના કિસ્સાઓમાં આ સેવા ખૂબ મદદરૂપ અને સફળ છે જેના પર નાગરિકોને પણ સંપૂર્ણ વિશ્વાસ અને સંતોષ છે. પણ મિત્રો શું તમે જાણો છો કે આ ૧૦૮ ઈમરજન્સી સેવા તમે જ્યારે ૧૦૮ નંબરને ડાયલ કરો છો તે સંપૂર્ણ પ્રોસેસ કેવી રીતે થાય છે? તો અમે તમને જણાવીશું આ સંપૂર્ણ પ્રોસેસ આ વિડિઓ થકી આપ જ્યારે આ સેવાનો ઉપયોગ કરો ત્યારે કેવી કેવી તકેદારી રાખવી અને શું વાતચીત કરવી તે વિશે ટૂંકમાં સમજ આપીને આ સેવાનો યોગ્ય ઉપયોગ કેવી રીતે કરવો તે જણાવીશું. આપ જ્યારે ૧૦૮ નંબર ડાયલ કરો છો ત્યારે તે કોલ સીધો અમદાવાદના નરોડા સ્થિત મેઈન કોલ સેન્ટરમાં લાગે છે. મોટા ભાગના લોકોને એવું જ હોય છે કે આ કોલ નજીકના સરકારી દવાખાનામાં લાગે છે જ્યાંથી આ એમ્બ્યુલન્સ તેમની મદદે આવશે પણ તે વાત તદ્દન ખોટી છે એટલે આપ જ્યારે પણ ૧૦૮માં કોલ કરો ત્યારે સૌ પ્રથમ આપ જે જગ્યાએ ઊભા હોય ત્યાંનું પૂરું સરનામું, ગામ, તાલુકાનું નામ, જિલ્લાનું નામ અને જો ખ્યાલ હોય તો પિનકોડ ખાસ જણાવો જેથી અમદાવાદ ૧૦૮ કોલ સેન્ટરમાં બેઠેલ કર્મચારી / વ્યક્તિ (ટેલી કોલર) આપને આપની નજીકમાં રહેલ ૧૦૮ એમ્બ્યુલન્સ સાથે સંપર્ક કરાવી શકે અને તમને જે તે ઈમરજન્સીમાં મદદ થઈ શકે. મોટાભાગના કિસ્સામાં એવું થાય છે કે કોલ કરનાર વ્યક્તિ પીડિત હોય અથવા અકસ્માતથી ઘાયલ થયેલ વ્યક્તિના સબંધી હોય એટલે તેનું માનસિક સંતુલન ગુમાવી બેઠા હોય એટલે તે કોલ લગાડીને પણ વ્યવસ્થિત વાત કરી શકતા નથી હોતા અને એ સ્વાભાવિક પણ છે. પણ થોડી સમજદારી અને ધૈર્યથી કરેલું કામ કોઈ માટે નવજીવન બક્ષી દે છે. એટલે અમે "શું તમે જાણો છો?" ટચૂકડી પોડકાસ્ટનો પ્રથમ એપિસોડ આપને આ વિશે સાચી સમજ આપવા અને આપ જ્યારે પણ ૧૦૮ સેવાનો લાભ લ્યો ત્યારે તુરંત આપના સુધી એમ્બ્યુલન્સ પહોંચે તે મુખ્ય ઉદ્દેશ્ય છે. આ સિવાય આ ૧૦૮ એમ્બ્યુલન્સ આપને આપના કહેવાથી પ્રાઇવેટ હોસ્પિટલમાં પણ સારવાર માટે લઈ જાય છે અને જો આપ પ્રાઇવેટ હોસ્પિટમાં સારવારથી સંતુષ્ટ નથી તો ફરીવાર આપ ૧૦૮માં ફોન લગાડીને નજીકના સરકારી દવાખાના સુધી પહોંચવા માટે પણ ૧૦૮ એમ્બ્યુલન્સનો ઉપયોગ કરી શકો છો અને હા આ બધી સુવિધા સરકાર તરફથી મફત છે. તો આ સેવાનો સાચો ઉપયોગ કરીએ. આ વીડિયોને આપના સ્વજન સુધી પહોંચાડીને એમને પણ માહિતગાર કરવાનું કામ હવે તમારા પર અમે છોડીએ છીએ અને આવા જ માહિતીસભર વિડિઓ જોવા માટે અત્યારે જ ચોટીલા ટુડે યુ ટ્યુબ ચેનલને સબસ્ક્રાઈબ કરો. અને યાદ રહે અમે સોશિયલ મીડિયાના તમામ પ્લેટફોર્મ પર કાર્યરત છીએ... ધન્યવાદ Emergebcy 108 Dial 108 Fire Medical Police