ពីគ្រូពេទ្យអាវសសង្គ្រោះជីវិតមនុស្ស ក្លាយជាឃាតករលាក់មុខដ៏សាហាវ

ហួង លីនជី (Huang Lingjie) គឺជាវេជ្ជបណ្ឌិតឯកទេសផ្នែកមហារីកដ៏ឆ្នើមម្នាក់នៅតៃវ៉ាន់។ លោកមានឋានៈខ្ពង់ខ្ពស់ក្នុងសង្គម មានគ្រួសារដ៏មានសុភមង្គល និងត្រូវបានគេចាត់ទុកថាជា «ទេវតាសង្គ្រោះជីវិត»។ ប៉ុន្តែនៅពីក្រោយភាពស្ងប់ស្ងាត់ លោកមានសម្ពាធផ្លូវចិត្ត និងភាពឯកោដោយសារគ្មានកូន។ ក្នុងអំឡុងពេលធ្វើការនៅប្រទេសចិន លោកបានជួប និងមានស្នេហាលួចលាក់ជាមួយស្ត្រីម្នាក់ឈ្មោះ ឈីន យ៉ាណាន់ (Chin Yaanan)។ លីនជី បានចំណាយប្រាក់រាប់លានដុល្លារទិញសម្ភារៈ និងអាផាតមិនឱ្យនាង ដោយសន្យាថានឹងលែងលះប្រពន្ធមករៀបការជាមួយនាង។ ប៉ុន្តែការពិត យ៉ាណាន់ មានសង្សារម្នាក់ទៀត ហើយបាននាំបុរសនោះមករស់នៅក្នុងអាផាតមិនដែល លីនជី ទិញឱ្យថែមទៀតផង។