បាត់ដំបងសម័យលោកម្ចាស់ | បុព្វហេតុដែលនាំឱ្យសៀមត្រួតបាត់ដំបងអស់មួយសតវត្ស

-ខេត្តបាត់ដំបងធ្លាប់ស្ថិតនៅក្រោមការគ្រប់គ្រប់របស់សៀមអស់រយៈពេល១១២ឆ្នាំ គឺចាប់ពីឆ្នាំ១៧៩៥ រហូតដល់ឆ្នាំ១៩០៧។ សម័យនោះ ស្ដេចត្រាញ់ខ្មែរនៅខេត្តបាត់ដំបងឈ្មោះ «ចៅហ្វ៊ាបែន» បានក្បត់និងព្រះរាជាខ្មែរ ហើយលើកខេត្តបាត់បងដាក់ជាចំណុះរបស់សៀម។ ក្រោយមក «ចៅហ្វ៊ាបែន» បានប្ដូរឈ្មោះថា «ត្រកូលអភ័យវង្ស» ។ គ្រួសារ «ត្រកូលអភ័យវង្ស» នេះ បានត្រួតត្រាខេត្តបាត់ដំបង រហូតដល់៦តំណរ គឺផ្ដើមពីចៅហ្វាបែន និងបញ្ចប់ត្រឹមកថាថនឈុំ។ យោងតាមសៀវភៅ »បាត់ដំបងសម័យលោកម្ចាស់» និពន្ធដោយលោក តូច ឈួង បោះពុម្ពលើកទី២ នៅឆ្នាំ១៩៩៤ បានរៀបរាប់យ៉ាងលម្អិតអំពីមូលហេតុដែលត្រកូលអភ័យវង្សមានអំណាចរហូតដល់អាចលើកខេត្តបាត់ដំបងដាក់ជាចំណុះសៀម។ ក្រោយកម្ពុជាស្ថិតនៅក្រោមអាណានិគមបារាំង បារាំងបានរកវិធីដើម្បីទាមទារខត្ដបាត់ដំបងត្រឡប់មកវិញ។ នៅពេលដែលបារាំងច្របាច់កសៀម ឱ្យខ្ជាក់ខេត្តបាត់ដំបង សៀមក៏ព្រមខ្ជាក់ទាំងអាល័យ ហើយ ឈុំ ដែលជាស្ដេចត្រាញ់ចុងក្រោយ បានរើផ្ទះសម្បែងទាំងប៉ុន្មាននៅបាត់ដំបង ព្រមទាំងដឹកទ្រព្យសម្បត្តិ ប្រពន្ធ និងកូនចៅប្រហែលជា ១០០ រទេះគោទៅរស់នៅឯបស្ចឹមបុរី នៃប្រទេសសៀម។ -ការចូលទស្សនារបស់បងប្អូន គឺជាកិត្តិយសរបស់ខ្ញុំបាទ ដែលជាអ្នកផលិត! ការពិតទៅ ខ្ញុំបាទមិនមែនជាអ្នកពូកែខាងប្រវត្តិសាស្រ្ដនោះទេ​ តែដោយចូលចិត្តប្រវត្តិសាស្រ្ដ ក៏ច្នៃអត្ថបទផ្សេងៗ ដែលខ្ញុំរកបានតាមរយៈ សៀវភៅ ឬក៏ពី Internet របស់អ្នកនិពន្ធជាន់ដើម ឬជាន់នេះ មកផលិតជាវីដេអូនេះឡើង។ ដូច្នេះខ្ញុំសូមគោរពរាល់ស្នាដៃរបស់អ្នកនិពន្ធទាំងអស់ដែលបានចែករំលែក ដែលធ្វើឲ្យខ្ញុំមានលទ្ធភាព អាចផលិតវីដេអូនេះបាន។ -ខ្ញុំបាទជឿជាក់ថា មិត្តអ្នកស្ដាប់គ្រប់ស្រទាប់វណ្ណៈ ដែលជារៀមច្បង ឬជាសិស្សប្អូន... នឹងមិនបណ្ដោយឱ្យចំណុចខ្វះខាតដែលកើតមាននៅក្នុងវីដេអូនេះ ត្រូវបន្ដរអត្ថិភាព ដោយគ្មានការកែលម្អរនោះឡើយ! -ខ្ញុំបាទសូមគោរពជូនពរបងប្អូនជនរួមជាតិ សូម សមប្រកប ជួបប្រទះ តែសេចក្ដីសុខ សុភមង្គលពេញមួយជីវិត។ សូមអរព្រះគុណនិងអរគុណ! #បាត់ដំបងសម័យលោកម្ចាស់ #ត្រកូលអភ័យវង្ស #ចៅហ្វ៊ាបែន