မြန်မာ့အရေး တရုတ်ဩဇာလွှမ်းမိုးမှု ဘယ်လောက်ကြီးမားနေလဲ

RFA စကားဝိုင်း မြန်မာ့အရေး တရုတ်ဩဇာလွှမ်းမိုးမှု ဘယ်လောက်ကြီးမားနေလဲ ~~~ ■ မြောက်ပိုင်းညီနောင်မဟာမိတ်သုံးဖွဲ့ထဲက တစ်ဖွဲ့ဖြစ်တဲ့ တအာင်းအမျိုးသား လွတ်မြောက်ရေးတပ်မတော် (TNLA) က တရုတ်အစိုးရဲ့ ကြိုးပမ်းချက်တွေကို အသိအမှတ်ပြုတဲ့အနေနဲ့ရော၊ စစ်ဘေးဒဏ်ခံနေရတဲ့ ပြည်သူတွေကို ငဲ့ညှာတဲ့အနေနဲ့ပါ စစ်ကောင်စီနဲ့ ဆွေးနွေးသွားဖို့ အသင့်ရှိနေတယ်လို့ နိုဝင်ဘာလ ၂၅ ရက်နေ့ ရက်စွဲနဲ့ ထုတ်ပြန်ပါတယ်။ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် အခုလအစောပိုင်းက တရုတ်နိုင်ငံကို သွားရောက်ခဲ့စဉ် တရုတ်ဝန်ကြီးချုပ် လီချန်းနဲ့ တွေ့ဆုံချိန်မှာ မြောက်ပိုင်းတပ်ဖွဲ့တွေကသာ ငြိမ်းချမ်းရေးလိုလားရင် စစ်ကောင်စီဘက်က တံခါးအမြဲဖွင့်ထားတယ်လို့ ပြောဆိုလိုက်တဲ့နောက် TNLA ဘက်ကလည်း အခုလို ကြေညာချက်ထွက်လာတာပါ။ ဒီအတောအတွင်းမှာပဲ တရုတ်နိုင်ငံက သူ့ရဲ့စီမံကိန်းတွေနဲ့ တရုတ်နိုင်ငံသားပိုင် လုပ်ငန်းတွေကို ကာကွယ်စောင့်ရှောက်ဖို့ မြန်မာနဲ့တရုတ် ပူးပေါင်းလုံခြုံရေးကုမ္ပဏီတည်ထောင်ဖို့ အဆိုပြုထားသလို စစ်ကောင်စီဘက်ကလည်း ဒီအဆိုပြုချက်ကို သဘောတူလက်မှတ်ရေးထိုးနိုင်ဖို့ လုပ်ငန်းစဉ်အဖွဲ့ ဖွဲ့စည်းထားပါတယ်။ စစ်ကောင်စီနဲ့ ငြိမ်းချမ်းရေးဆွေးနွေးပွဲ အလားအလာနဲ့ မြန်မာနိုင်ငံထဲ တရုတ်လုံခြုံရေးတပ်တွေဝင်လာရင် ဘာတွေဖြစ်လာနိုင်သလဲ ဆိုတာတွေကို ဒီတစ်ပတ် စကားဝိုင်းအစီအစဉ်မှာ ဆွေးနွေးထားပါတယ်။ ပါဝင်ဆွေးနွေးသူတွေကတော့ နိုင်ငံရေးလေ့လာသူ ဒေါက်တာလှကျော်ဇော၊ ပအိုဝ်းအမျိုးသားဖက်ဒရယ်ကောင်စီ (PNFC) ရဲ့ ဥက္ကဋ္ဌ ဦးခွန်မြင့်ထွန်းနဲ့ မန္တလေးလူထုသပိတ်လှုပ်ရှားသူ ဒေါက်တာတေဇာစန်းတို့ဖြစ်ပါတယ်။ RFA ဝိုင်းတော်သူ မခင်ခင်အိက စီစဉ်တင်ဆက်ထားပါတယ်။ ____________ #တရုတ်ဩဇာလွှမ်းမိုးမှု #စကားဝိုင်း #လွတ်လပ်တဲ့အာရှအသံ #rfaburmese Subscribe ▶    / @rfaburmese   ဝဘ်ဆိုက် ▶ https://www.rfa.org/burmese မိုဘိုင်းအက်ပ် ▶ https://smarturl.it/RFAburmeseapp Follow us on: ဖေ့စ်ဘွတ်ခ်   / rfaburmese   တွစ်တာ   / rfaburmese   အင်စတာဂရမ်   / rfaburmese   တယ်လီဂရမ် https://t.me/rfaburmeseofficial (လွတ်လပ်တဲ့အာရှအသံရဲ့ တာဝန်နဲ့ရည်ရွယ်ချက်ဟာ သက်ဆိုင်ရာအစိုးရတွေရဲ့ ပိတ်ပင်ဟန့်တားမှုတွေကြောင့် သတင်းလွတ်လပ်ခွင့်မရှိတဲ့ အာရှနိုင်ငံတွေအတွက် တိကျမှန်ကန်တဲ့ သတင်းအချက်အလက်တွေ ထုတ်လွှင့်ပေးဖို့ ဖြစ်ပါတယ်။)