དགའ་སྤྲོའི་ཕོ་ཉ། | དར་མཚོ། Happy Star Podcast with Dhartso | Tibetan Singer

ཐེངས་འདིའི་ལེ་ཚན་དུ། གླུ་མ་དར་མཚོས་གསེར་རྟའི་གེ་སར་ཟློས་གར་ཚོགས་པར་ཇི་ལྟར་ཞུགས་ཚུལ་དང་། ཟློས་གར་ཚོགས་པའི་འཁྲབ་སྟོན་གྱི་ལོ་ཟླ་གླེང་བ་མ་ཟད། མི་ལོ་ཉི་ཤུ་ལྷག་གི་གླུ་གཞས་སྒྱུ་རྩལ་གྱི་གཏམ་རྒྱུད་དང་ཚབ་མཚོན་གྱི་གླུ་གཞས་སྐོར་ཞིག་མཉམ་སྤྱོད་བྱས་ཡོད། ནང་དོན་ཆ་ཚང་བརྙན་རིས་བརྒྱུད་ནས་ཞིབ་ཏུ་གཟིགས་ཆོག། དར་མཆོ། གསེར་རྟ་ཡུལ་དུ་སྐྱེས། སྤྱི་ལོ་༡༩༩༧ལོར་གསེར་རྟ་གེ་སར་ཟློས་གར་ཚོགས་པར་ཞུགས། སྤྱི་ལོ་༢༠༠༣ལོར་མཉམ་འབྲེལ་ཆེད་བསྒྲིགས་༼ དཔའ་བོའི་བསྟོད་གླུ།༽ དང་ཟློས་གར་གློག་བརྙན་༼ རྟ་རྒྱུག་རྒྱལ་འཇོག༽་ བརྒྱུད་ནས་སྐད་གྲགས་རིམ་བཞིན་རྒྱས། སྔ་གཞུག་ཏུ་༼ལྷ་བྱ་ཁྲུང་ཁྲུང་དཀར་མོ།༽ དང་༼ འགྲོ་རོགས་གསུམ།༽༼ ལྷ་བྱ་ལགས།༽ སོགས་རྒྱ་ཆེའི་རོང་འབྲོག་མང་ཚོགས་ཀྱི་ཉན་པར་སྤྲོ་བའི་གླུ་གཞས་མང་པོ་སྤེལ།