Shkoi me kastraveca dhe presh në Kuvend, deputeti i Lushnjes bën për "ujë të ftohtë" mazhorancën

Deputeti demokrat i Lushnjes, Saimir Korreshi, shkoi në seancën e sotme plenare me kastravecë dhe presh në mbështetje të fermerëve të qytetit të tij. Gjatë fjalës së tij në Kuvend u ndal tek problemet që hasin çdo ditë fermerët dhe kushtet me të cilat ato punojnë. Ai u shpreh se ata nuk kanë një treg të cilin mund të arrijnë të shesin produktet “Ju nuk e keni seriozisht me bujqësinë, ju po talleni me bujqit dhe fermerët lushnjarë. Fermeri sot është në ditën më të zezë sepse fermeri lushnjar nuk arrin dot në më të keqen barazim me atë çfarë mbjell. Por që të dalë barazim duhet të këtë garant edhe shitjen që nuk e ka, kemi rastin e shalqirit, rastin e domates, kastravecit dhe të gjithë më radhë. Në Lushnje produktet bujqësore nuk kanë treg sepse ajo çfarë ju keni në program edhe për vitin e ardhshëm nuk japin shpresë për bujqësinë. Nuk duan gjë tjetër, vetëm dëgjojini para se ta miratoni”, tha deputeti. Në përfundim të fjalimit të tij ai paralajmëroi se në rast që nuk i zbatohen kërkesat e fermerëve do të përshkallëzohen protesta deri në Tiranë. “Në rast se nuk i dëgjoni, protesta përshkallëzohet në Tiranë dhe nuk do të gjeni vrimë miu ku të futeni”, u shpreh deputeti Korreshi./tvklan.al #SaimirKorreshi #Kuvendi SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan