སྨད་རྒྱུད་གྲྭ་ཚང་གི་དཔལ་རྡོ་རྗེ་འཇིགས་བྱེད་ཆེན་པོའི་རྡུལ་ཚོན་དཀྱིལ་འཁོར་དང་འབྲེལ་བའི་བརྙན་ཐུང་།👏👏

༈ 👏👏གསང་ཆེན་རིག་པ་འཛིན་པའི་འདུས་སྡེ་དཔལ་ལྡན་སྨད་རྒྱུད་གྲྭ་ཚང་འདིའི་རྒྱུན་ལྡན་ཉམས་བཞེས་ཀྱི་ཁོངས་འདུས་སྡེ་རིན་པོ་ཆེ་ནས། བོད་ཟླ་དགུ་པའི་ནང་དཀྱིལ་འཁོར་རྡུལ་ཚོན་དང་འབྲེལ་བའི་དཔལ་རྡོ་རྗེ་འཇིགས་བྱེད་ཆེན་པོའི་སྒྲུབ་མཆོད་ཆེན་མོ་དེ་རིང་བོད་ཚེས་ ༠༩ ལ་ཉིན་དང་པོ་དང་། ཕྱི་དྲོར་བཀའ་རམས་དགེ་བཤེས་རྣམས་སྔགས་ཀྱི་དམ་བཅའ་ཆེན་མོ་འཚོག་པ་བཅས་ཀྱི་རྣམ་དཀར་གྱི་ཕུང་པོ་རྣམས་ཕྱོགས་གཅིག་ཏུ་བསྡོམས་པའི་མཐུ་ལ་བརྟེན་ནས། སྤྱིར་༸རྒྱལ་བསྟན་དར་ཞིང་འགྲོ་ཀུན་བདེ་བ་དང་། ལྷག་པར་ས་སྟེང་༸རྒྱལ་བསྟན་ཡོངས་རྫོགས་ཀྱི་མངའ་བདག་༸གོང་ས་༸སྐྱབས་མགོན་༸རྒྱལ་དབང་མཆོག་གི་སྐུ་ཚེ་མཛད་འཕྲིན་ལ་ཚུལ་བསྟན་སྐུ་གེགས་ཀྱི་མཚན་མ་ཡོངས་སུ་ཞི་བའི་ཐུགས་སྨོན་མཚམས་སྦྱོར་རྒྱ་ཆེར་དང་། འབྲེལ་ཐོགས་སེམས་ཅན་ཐམས་ཅད་ཀྱི་བདེ་རྩར་ཡང་དམིགས་པ་བཅས་ཀྱི་བརྙན་པར་ཁག་ཅིག་དད་པའི་གསོས་སུ་འབུལ་ལམ་ཞུས་པའོ།། 👏👏👏👏