ဗိုလ်ချုပ်အောင်ဆန်းရုပ်တုတွေကို စစ်အုပ်စု ဘာကြောင့် ဖြိုဖျက်နေလဲ (ရုပ်သံ)

အာဏာသိမ်းစစ်အုပ်စုက နေရာအနှံ့အပြားမှာရှိတဲ့ ဗိုလ်ချုပ်အောင်ဆန်းရုပ်တုတွေကို စီမံချက်တခုလိုပုံစံနဲ့ ဖယ်ရှားဖျက်ဆီးတာတွေ ခပ်စိတ်စိတ် လုပ်ဆောင်လာပါတယ်။ ရန်ကုန်တိုင်း သာကေတမြို့နယ်၊ မြင်တော်သာလမ်းမပေါ်က ပန်းခြံထဲမှာ အမျိုးသားဒီမိုကရေစီအဖွဲ့ချုပ် (NLD) အစိုးရလက်ထက်က စိုက်ထူခဲ့တဲ့ ဗိုလ်ချုပ်အောင်ဆန်းရုပ်တု နဲ့ ပဲခူးတိုင်း တောင်ငူမြို့ ကေတုမတီကျုံးအနီးမှာရှိတဲ့ ဗိုလ်ချုပ်အောင်ဆန်း ရုပ်တုတို့ကို ဇွန်နဲ့ ဇူလိုင်လတွေမှာ ဖယ်ရှားခဲ့ပါတယ်။ ဒါ့အပြင် ဧရာဝတီတိုင်း ပုသိမ်မြို့ နဲ့ ကျုံပျော်မြို့ ၊ မန္တလေးတိုင်း သာစည်မြို့၊ စစ်ကိုင်းတိုင်း ရေဦးမြို့နယ် နဲ့ ရန်ကုန်တိုင်း တောင်ဥက္ကလာပမြို့နယ် သုမင်္ဂလာပန်းခြံထဲက ဗိုလ်ချုပ်အောင်ဆန်းရုပ်တုတွေလည်း ဖျက်ဆီးခံခဲ့ရတယ်လို့ BBC မြန်မာပိုင်းက ဖော်ပြထားပါတယ်။ ဒီလိုမျိုး ပြည်သူ့ဆန္ဒခံယူခြင်းမရှိဘဲ အမျိုးသားရေးလက္ခဏာဖြစ်တဲ့ ဗိုလ်ချုပ်အောင်ဆန်းရုပ်တုတွေကို တိတ်တဆိတ် ဖျက်ဆီးနေတာဟာ တရားဥပဒေကို ချိုးဖောက်နေတာဖြစ်တယ်လို့ မြန်မာနိုင်ငံ ရှေ့နေများကောင်စီ အဖွဲ့က ထောက်ပြပါတယ်။ #မြန်မာ #ဧရာဝတီ #ဗိုလ်ချုပ်အောင်ဆန်းရုပ်ထု #အမျိုးသားရေး #NLD #WhatsHappeningInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation