Hvernig er hægt að fá forhertan glæpamann til að snúa við blaðinu?

Hægt er að hjálpa nánast öllum að hverfa af braut glæpa og ofbeldis. Þetta segir Robert Örell, sem eitt sinn aðhylltist nýnasisma. Hann hefur snúið við blaðinu og hjálpar núna öðrum að gera slíkt hið sama. Afstaða, réttindafélag fanga, lögreglan, ríkið, sveitarfélög og fleiri hafa efnt til samstarfs undir heitinu Exit, sem er átak sem hófst í Noregi og þaðan til Svíþjóðar þar sem það hefur eflst mjög. Það gengur út á að styðja við fanga sem ljúka afplánun og vilja hverfa frá afbrotum og ofbeldi. Robert Örell, sem á unglingsárum var í hópi nýnasista í Svíþjóð en sneri svo alveg við blaðinu og hefur leitt Exit-verkefnið í Svíþjóð í hátt í þrjátíu ár, kom hingað til lands til að hjálpa til við að hleypa því af stokkunum. Hann segir verkefnið ganga út á að hjálpa viðkomandi að breyta lífi sínu. Gjarnan gangi það út á að slíta sig frá tilteknum hópum eða félagsskap, eða umhverfi. Og það hafi gefið góða raun. Eygló Harðardóttir, verkefnastjóri afbrotavarna hjá ríkislögreglustjóra, telur mikla þörf á átakinu EXIT hér á landi. EXIT sem hófst í Noregi gengur út á að styðja við fanga sem ljúka afplánun og vilja hverfa frá afbrotum og ofbeldi. #exit #glæpir #lögreglan #afstaða #ríkislögreglustjóri #robertörell Fréttamaður: Haukur Holm Fréttaþulur: Oddur Þórðarson Fréttastjóri: Heiðar Örn Sigurfinnsson Úr kvöldfréttum 08.12.2025 Viltu nálgast fleiri fréttir? •vefsíða: www.ruv.is •Samfélagsmiðlar:   / ruvfrettir     / ruvfrettir     / ruvfrettir