Pasagjerë të braktisur me ditë në Rinas nga "Italy Airlines", pezullohet kompania-(5 Shtator 2010)

Lajme Arkiva 2010 “Kemi prerë biletën me Star Airways me fëmijë ë vegjël, me karrocë ka 3 dit. Plus kësaj, po nuk ka një njeri o vëlla që të shpjegojë se çfarë do të bëhet me ne. Të na shpjegojë të paktën, ja sporteli i mbyllur, Star Airlines një sportel është.” “Kur duhet të nisesh?” “Sot në 6 e 10, ora 5 e gjysmë. Të ketë një njeri që të shpjegojë të paktën ça do bëhet me këto. A të presim biletë tjetër.” “Me grua me fëmijë të rrimë këtu, përtokë në mes të asfaltit. I them shoqin më thotë ktheu atje. E marrin në telefon shoqin Shkodër thotë unë s’di gjë për atë punë. Ku me shku?” Gazetarja: Vazhdon Odiesea e pasagjerëve të linjës Star Airways, të cilët prej 3 ditësh po presin në aeroportin e Rinasit për të udhëtuar drejt Italisë. Shumë prej tyre kanë kaluar natën e dytë të pritjes në aeroport. “Është kjo situata në Aeroportin "Nënë Tereza" në Rinas, me qindra pasagjerë shqiptarë e të huaj janë braktisur për tre ditësh nga kompania italiane e fluturimeve ajrore, Italia Airways prej 3 sitësh. Asnjë informacion për pezullimin e fluturimeve të linjës së fluturimeve Italy Airways pjesë e Star Airways. Pasagjerë që presin me bileta në duar pasi askush nuk i ka sqaruar mbi anulimin e fluturimeve.” “Jam ardh me familje me 6 fëmijë. Kam paguar 1 mijë e sa euro nuk mund të shkosh.” “Çfarë ju kanë shpjeguar?” S’ka asnjëlloj shpjegimi, shihe mbyllur.” Krahas pasagjerëve të cilët nuk arritën të fluturonin drejt Italisë të premten dhe të shtunën janë shtuar në pritje edhe shumë pasagjer të cilët duhet të niseshin nga Tirana, pasditen e së dielës drejt Milanos dhe Romës. E diela ishte një ditë pushimi edhe për administratën e aeroportit të Rinasit, kështu që për udhëtarët ka qenë pothuajse e pa mundur të marrin ndonjë informacion. Fluksi i pasagjerëve që do të preken nga ky anulim ende i pashpjegueshëm i fluturimeve me Star Airways pritet të jetë edhe më i madh, pasi shumica janë emigrant dhe familje shqiptare të cilët kthehen drejt Italisë. Autoriteti i Aviacionit Civil ka sqaruar këtë situatë si një rast të paprecedent. Ervin Mazniku: “Në kushtet një situate të jashtëzakonshme , të paprecedentë e theksoj të paprecedentë e cila nuk ka ndodhur më parë në historinë e Aviacionit Civil shqiptar që një kompani të braktisë pasagjerët e saj në këtë formë sikundër ka bërë kompania italiane, Italy Airlines, Autoriteti i Aviacionit Civil në funksion të përmbushjes së detyrimeve të tij, pra të ruajtjes së standardeve ndërkombëtare të krimit është e detyruar të pezullojë operimin e kompanisë italiane, “Italy Airlines” deri në një moment të dytë, pra pasi të sqarohet situata me kompaninë dhe me enin kombëtar të aviacionit civil italian. Duke konsideruar që kompania italiane, Italy Airlines është një operator komunitar nga komuniteti evropian pra me origjinë nga Italia, kjo kompani bie nën juridiksionin e plotë ligjor të entit kombëtar të Aviacionit Civil Italian.” Për këtë arsye Autoriteti i Aviacionit Civil ka vendosur të pezullojë operimin e kësaj kompanie. Autoriteti i Aviacionit Civil Shqiptar, ka kontaktuar me ambasadën italiane të akredituar në Shqipëri ashtu si dhe me Entin Kombëtar të Aviacionit Civil Italian për të sqaruar këtë situatë. Anulimi i fluturimeve të kësaj kompanie ka lënë të bllokuar në Rinas mbi 1,000 pasagjerë./tvklan.al Gazetare: Aurela Papadhima SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/