Wazalendo 500 kuzunguka nchi nzima kutoa elimu ya maadili

Mwanza. Ili kupambana na mmomonyoko wa maadili na watoto wa mitaani wanachama zaidi ya 500 wa Umoja wa Wazalendo wanatarajia kuzunguka nchi nzima kuelimisha jamii kuhusiana na masuala hayo. Akizungumza jana Mei 17, 2024 katika hafla ya kuapisha safu ya uongozi wa umoja huo jijini Mwanza, Kiongozi Mkuu wa Umoja wa Wazalendo Mkoa wa Mwanza, Bujiku Jackson amesema pia wanatarajia kutoa elimu ya kukabiliana na changamoto ya ukosefu wa ajira na ukatili wa kijinsia. Katika hafla hiyo viongozi wa umoja huo 53 Mkoa wa Mwanza wameapishwa kuongoza idara mbalimbali. Baadhi ya washiriki na viongozi walio kula viapo wamesema wana imani umoja huo utakuwa mwarobaini changamoto zinazotokea katika jamii.