New Tibetan Song 2026 | Phasa Phayul | Kunsang Dekyi | ཕ་ས་ཕ་ཡུལ། | ཀུན་བཟང་བདེ་སྐྱིད།

ཕ་ས་ཕ་ཡུལ། ཚིག་དང་གདངས། དར་རྒྱས། གཞས་མ། ཀུན་བཟང་བདེ་སྐྱིད།  གླང་དཀར་དེལ་ཡག་དབུ་རྩེ་དེ་ལ་ཕ་དགོན་ཕྲ་མོ་ཆགས།། ཕ་དགོན་ཕྲ་མོའི་རྒྱ་ཕིབས་རྩེ་ནས་གསེར་གྱི་འོད་སྣང་འབར།། ཡུལ་ལ་ཆོས་རིག་དགེ་མཚན་དར་བའི་སྨོན་ཚིག་ངག་ལ་གྱེར།། བརྗེད་མེད་སེམས་ཀྱི་དབུས་སུ་གནས་པའི་ཕ་ས་དྲོ་མོ་ཡིན།། ཕ་ས་ཡ། བཀྲ་ཤིས་ཤོག ཕ་ཡུལ་ཡ། བདེ་ལེགས་ཤོག ཕ་ས་ཕ་ཡུལ་ཡིད་ལ་དྲན་བཞིན་གླུ་ཆུང་སྙན་མོ་ལེན།།  རྫ་རི་དཀར་པོའི་མུ་ཁྱུད་དེ་ལ་གཡག་ལ་སེ་བོ་ཆགས།། གཡག་ལ་སེ་བོའི་རི་ཡི་རྒྱུད་དུ་བཀྲ་ཤིས་རྟགས་བརྒྱད་ཚང་།། ཡུལ་ལ་ཁ་ལྕེ་དབང་ཐང་དར་བའི་ཀི་བསོའི་སྒྲ་དབྱངས་ལེན།། བག་ཆགས་ཟབ་མོའི་བརྩེ་བས་སྦྲེལ་བའི་ཕ་ས་སྨུག་པོ་ཡིན།།  ཕ་ས་ཡ། བཀྲ་ཤིས་ཤོག ཕ་ཡུལ་ཡ། བདེ་ལེགས་ཤོག  ཕ་ས་ཕ་ཡུལ་ཡིད་ལ་དྲན་བཞིན་གླུ་ཆུང་སྙན་མོ་ལེན།། ཉ་འདྲ་བཅུ་གསུམ་གྲམ་པའི་གཞུང་ནས་སོག་ཆུ་ཁམ་པ་འབབ།།  སོག་ཆུ་ཁམ་པའི་བཞུར་སྒྲ་སྙན་མོ་རོལ་མོའི་གདངས་ལ་འཁྱུད།།  ཡུལ་ལ་ཞི་མཐུན་དཔལ་ཡོན་དར་བའི་གླུ་སྐད་ངག་ལ་འགུག །  ན་ཆུང་ལང་ཚོའི་མེ་ཏོག་བཞད་སའི་ཕ་ས་ཕ་ཡུལ་ཡིན།། ཕ་ས་ཡ། བཀྲ་ཤིས་ཤོག ཕ་ཡུལ་ཡ། བདེ་ལེགས་ཤོག ཕ་ས་ཕ་ཡུལ་ཡིད་ལ་དྲན་བཞིན་གླུ་ཆུང་སྙན་མོ་ལེན།།