Fakulteti Ekonomik heq penalizmet për mos kalimin e provimeve - (28 Qershor 2005)

Lajme arkiva 2005 Nuk do të ketë më përtëritës në Fakultetin Ekonomik. Këshilli i Pedagogëve të këtij fakulteti miratoi heqjen e penalizmave që parashikojnë nenet 30 dhe 31 të rregullores të Universitetit të Tiranë. Në këtë mënyrë pretendohet të rritet niveli arsimor i studentëve dhe nga ana tjetër të shmanget presioni dhe korrupsioni i pedagogëve. Dhori Kule: “Një lloj penalizmi që ekziston vetëm në shkollat shqiptare. Në asnjë universitet të botës nuk ekziston dukuria që studenti të rri, të shkëputet nga shkolla një vit dhe të përgatitet për një provim të vetëm. Pra mund të qëlloj në universitet tona që të mbesësh në fizkulturë në vitin e parë dhe fizkultura nuk të lë që të kalosh në vitin e tretë. Në kushtet kur studentët janë përball rrezikut që mund të rri një vit, viti është kthyer në para dhe potencialisht është mundësia që të kthehet në presion korruptiv ndaj pedagogëve për të bërë lëshime abuzive. Prandaj me këtë vendim e çlirojmë totalisht shkollën, e ofrojmë këtë standardet perëndimore nga pikëpamja e procedurave.” Studenti mund të mbartë provime të vitit të parë dhe në vit të katër, me kushte që të mos jetë në listën e 5-6 provimeve të profilit të degës ekonomike. Nëse studenti plotëson numrin e mungesave nuk hyjnë në provim, por ka të drejtë ta mbartë atë për sezonin pasardhës. Po kështu ri konsiderohet mos paraqitja në provim apo vlerësimi negativ. Vetëm vitin e kaluar u paralizuan 740 studentë të Fakultetit Ekonomik për të përsëritur vitin. Nisma merret në kuadër të kartës të Bolonjës duke dhënë sinjale pozitive për aplikimin e këtij liberalizimi edhe në fakultete të tjera të vendit. /tvklan.al Gazetare: Arta Tozaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/