Ўзбекистон: «Йил одами» Расул Кушербаевми ё Алишер Усмонов? - Yangiliklar, BBC News O'zbek

Расул Кушербаев 2020 йилда Ўзбекистон ижтимоий-сиёсий ҳаётида миллиардер Алишер Усмоновдан ҳам кўпроқ ёрқин из қолдирган. Ўзбекистон Миллий ахборот агентлиги ўтказган сўровномада жамоатчилик Олий Мажлис депутатини «Йил одами» дея эътироф этиб, унинг ўтган йилдаги фаолиятига ана шундай баҳо берган. 8 январь куни Ўзбекистон Миллий ахборот агентлигининг анъанавий «Йил танлови — 2020” натижалари эълон қилинган, расмий идора вакиллари, оммавий ахборот воситалари, блогерлар ва жамоатчилик фаоллари иштирокида ғолибларни тақдирлаш маросими бўлиб ўтган. Танлов орқали агентлик 2020 йил давомида ўзбекистонликлар давлат ва жамоат ташкилотлари фаолиятидан қай даражада қониқди, қайси тизим фаолияти самаралироқ бўлди, кимлар ижтимоий-сиёсий ҳаёт ривожига ижобий ҳисса қўша олди каби саволларга жавоб топишга ҳаракат қилган. Уч босқичдан иборат танлов қарийб икки ой давом этиб, сўровнома иштирокчиларидан нафақат «Йил одами», балки «Энг намунали ҳудуд», «Энг намунали вазирлик», «Энг кўп ўзгариш қилган ташкилот» каби номларни аниқлашга овоз бериш ҳам сўралган. Ўтказилган онлайн сўровномани 2 миллионга яқин иштирокчи кузатган, ижтимоий тармоқда энг кўп овоз олган номзодлар кейинги босқичда қарийб 30 га яқин журналист ва блогерлар томонидан баҳоланган. BBC News O'zbek янгиликлар каналига хуш келибсиз! #bbcuzbek Ўзбекистон, Марказий Осиё ва дунё бўйлаб юзлаб мухбирларимиздан келадиган видео янгиликлар ҳар куни мана шу каналда. Нафақат янгиликлар, балки қизиқарли воқеалар, санъат, мусиқа, маданият ва тарих ҳақида бетакрор видео фильмлар учун ҳам каналимизга аъзо бўлинг -    / bbcuzbek   Вебсаҳифамиз - bbcuzbek.com Facebook:   / bbcnewsuzbek   OK.RU: https://ok.ru/bbcuzbek Instagram:   / bbcuzbek   Telegram: https://t.me/bbcuzbek BBC News O'zbek - BBC News O'zbek tilida, onlayn, TV va ijtimoiy tarmoqlarda Узбекистан - Uzbekistan - O'zbekiston - Узбекистон