உண்மை சார்பட்டா பரம்பரை | Real Sarpatta Parambarai | Madras Boxing - 1 | UrumiTV திரைக்கு அப்பால்

#SarpattaParambarai #Sarpatta #Boxing Dancing Rose, Arya Sarpatta Real History, Movie Review, Real Dancing Rose உண்மைக் கதைதான்.. பொய்யான காட்சி அது.. நாங்க நாக் அவுட் பரம்பரை.. படத்துல மாத்திட்டாங்க.. நானும் ஆர்யா பரம்பரைதான்.. ..................................................................................... மதராசப்பட்டணத்தின் பொழுதுபோக்காகத் திகழ்ந்த, வடசென்னையின் வாழ்வியலாக மாறிய, குடும்ப விழாக்களில் கொண்டாடப்பட்ட கலைதான் குத்துச்சண்டை. தமிழர் மரபாக வீரத்தின் அடையாளமாக ஒலிம்பிக் போட்டியிலும் தொடக்க காலம் முதலே குத்துச்சண்டை இடம்பிடித்துள்ளது. சார்பட்டா பரம்பரை - திரைப்படம் வடசென்னை குத்துச்சண்டைப் போட்டிகளை மையப்படுத்தி எடுக்கப்பட்டுள்ளது. குழு, அணி, க்ளப், அகாடமி என்கிற வார்த்தைகளைத்தான் அன்றைய குத்துச்சண்டைப் போட்டிகளில் பரம்பரை என்று பயன்படுத்தியுள்ளனர். சார்பட்டா பரம்பரை, இடியப்ப நாயகர் பரம்பரை, எல்லப்பச் செட்டியார் பரம்பரை, கறியார பாபுபாய் பரம்பரை, இரும்பு மனிதர் ராசமாணிக்கம் பரம்பரை, சுண்ணாம்புக் கால்வாய் பரம்பரை இவையெல்லாம் அன்றைய குத்துச்சண்டைப் பரம்பரைகள். அதாவது பாக்ஸிங் வீரர்களை வளர்த்தெடுத்த பயிற்சியாளர்களின் மையங்கள். கண்ணப்பர் திடல், தண்டையார்பேட்டை மைதானம், இன்றைய நேரு விளையாட்டரங்கள் உள்ளிட்ட பொட்டல் பகுதிகளில் நாற்புறமும் ஓலைத் தட்டிகள் கட்டி, நடுவே வீரர்கள் மோதுவதற்கான மேடை அமைத்து, பெருந்திரள் மக்களின் ஆராவாரத்தோடு குத்துச்சண்டைப் போட்டிகள் நடைபெற்றது. பழமையான இந்த முறை, குத்துச்சண்டைப் போட்டிகளை புரொஃபஷனல் பாக்ஸிங் என்றும், இன்றைய குத்துச்சண்டைப் போட்டிகளை அமெச்சூர் பாக்ஸிங் என்றும் வரையறுக்கின்றனர் குத்துச்சண்டை வீரர்கள். அதில் தமிழ் சண்டையும் உண்டு, ஆங்கில சண்டையும் உண்டு. எம்ஜிஆர் நடித்த காவல்காரன் தொடங்கி, ஜெயம் ரவி நடித்த பூலோகம், எம்.குமரன் சன் ஆஃப் மகாலட்சுமி, சிவகார்த்திக்கேயன் நடித்த மான்கராத்தே , தனுஷ் நடித்த பட்டாஸ், மாதவன், ரித்திக்கா சிங் நடித்த இறுதிச்சுற்று போன்ற படங்கள் குத்துச்சண்டை குறித்து எடுக்கப்பட்டுள்ளன. சார்பட்டா பரம்பரை திரைப்படம் ‘ரோசமான ஆங்கில குத்து சண்டை’ என்ற தலைப்பில் வடசென்னை மக்களின் வாழ்வியலையும் படம் பிடித்துக் காட்டியுள்ளது. குத்துச்சண்டைப் போட்டிக்கான அடையாளமாக விளங்கிய வடசென்னைக்கு எம்ஜிஆர், சிவாஜி கணேசன் போன்ற திரை நட்சத்திரங்கள் மட்டுமின்றி, உலகப் புகழ் குத்துச்சண்டை வீரரான முகமது அலியும் வருகை தந்து வீரர்களை உற்சாகப்படுத்தியுள்ளார். வாழ்வின் பல தடைகளைக் கடந்துதான் வெற்றி எனும் இலக்கை அடைய முடியும் என்பதற்கு எடுத்துக்காட்டாக வீரர்களின் பயிற்சி காலமும் இருக்கிறது. மூட்டை தூக்குபவராக, மீனவராக, உழவராக, உடல் உழைப்புத் தொழிலாளிகளின் எதிர்காலத்தை அடையாளப்படுத்தும் குத்துச்சண்டை தனிநபர் வீரத்தை மட்டுமல்ல, அவர் சார்ந்த பண்பாட்டையும் பறை சாற்றுகிறது. அதன் ஓர் அங்கம்தான் சார்பட்டா பரப்பரை. Urumi TV #Urumi channel