‏أخيرا كشفنا الحربية 🐍👌 وخرابه بيوت والغريبة إنك شايفه نفسك مظلومة والناس جايه عليكي 🙄

الاستهبال يا جماعة احذروا منه. إنك تستخف بعقل حد ممكن يضيع مكانتك في قلب شخص كان مقدّرك وبيحبك بجد، مهما كنت إيه. ما تحاولش تضحك على واحد صافي نيتُه معاك، وهو في الحقيقة شايف كل حاجة وعارف إنك بتلف وتكدب، بس ساكت وبيعدّيها بمزاجه. ما تعيشش دور الشاطر وتفتكر إنك كسبت الجولة، لأن اللي قدامك فاهم اللعبة من أولها لآخرها. وبييجي اليوم اللي يقفل الصفحة مرة واحدة، ويكشف كل اللي كنت بتعمله من غير زعيق ولا نقاش، ويمشي بهدوء… بس من غير رجوع. اللي يضحك بقى إنك تكون فاكر نفسك ذكي، وهو شايفك واضح، وسايبك تكمل… لحد ما تكتشف إنك الوحيد اللي كان مخدوع في الحكاية كلها.