أغنية الحدود- فريق الاصدقاء- الشاعر عمر بطيشة .. لحن عمار الشريعي- صوت احمد سليم - مونتاج عصام خضير

أغنية الحدود.. فريق الاصدقاء الشاعر: عمر بطيشة الموسيقار: عمار الشريعي واحنا فايتين ع الحدود مستمرين في الصعود اختفى النيل الجميل من تحتنا والمدن والريف وأول عمرنا وابتدى شئ ينجرح جوه الوجود وأبتدينا أسئلة مالهاش ردود ميلنا ع الشباك نخبى دمعة فرت مننا باصه م الشباك على البحر البعيد واحنا رايحين بالآمال عالم جديد كنت فاكرة يا مصر إني تعبت منك واكتشفت إني محال استغنى عنك حتى دوشة صوت جيراني والزحام وحشوني تاني بسمة حلوة لطفلة لسه صغيرة لما كنت أديها حته سكرة قبل ما نسيبك وحشتينا يا مصر يا أمنا كنت باتذكر .. وأنا في غاية الأسى لعبنا الكورة في حوش المدرسة والشقاوة واحنا لسه صغيرين والبراءة والصحاب الطيبين لما سألتنى اللى جنبى أنت مصرى؟: دق قلبى إسم زي السحر رفرف ع المكان زي نسمة مهفهفة بصوت الآدان أيوه مصريين لآخر كل نقطة في دمنا الوجوه من تلج والعيون من إزاز شوقى زاد للعشرة والناس العزاز وابتديت أكتب وأنا فوق السحاب إبتديت يا حبيبي في أول جواب مصر إنتي حته مني مش مجرد إسم وطني قالوا فاضل نص ساعة ع الوصول قولت أية معنى الساعات ولا الفصول إلا في الأرض اللي فيها ذكرياتنا وحبنا وابتدى شيء ينجرح جوه الوجود وابتدينا أسئلة مالهاش ردود ميلنا ع الشباك نخبي دمعة فرت مننا