Sadə bir ləkə ciddi göbələk xəstəliyi ola bilər!

Dərinin göbələk xəstəliyi dəridə qaşınma, qızartı, soyulma və ləkələrlə özünü göstərə bilər. Bu xəstəlik adətən isti və nəm mühitdə daha tez yaranır və sürətlə yayılma xüsusiyyətinə malikdir. Ayaqlar, qasıq nahiyəsi, qoltuqaltı və bədənin qatlanan hissələri göbələk üçün ən uyğun sahələrdir. Göbələk xəstəliyi yoluxucu ola bilər. Ümumi dəsmal, ayaqqabı, paltar istifadə etmək və ictimai hovuz, hamam kimi yerlərdə qoruyucu tədbir görməmək riski artırır. Tərləmə, immun zəifliyi və gigiyena qaydalarına düzgün əməl olunmaması da göbələk yaranmasına səbəb ola bilər. Əgər dəridə uzun müddət keçməyən qaşınma, halqa şəklində ləkələr və ya soyulma müşahidə edirsinizsə, gecikmədən həkimə müraciət etmək vacibdir. Çünki vaxtında müalicə olunmayan göbələk böyüyə və bədənin digər nahiyələrinə yayıla bilər. Göbələk xəstəliyindən qorunmaq üçün şəxsi gigiyenaya diqqət etmək, dərini quru saxlamaq və şəxsi əşyaları paylaşmamaq tövsiyə olunur. Azər Mirzəyev Tel: 050 311 36 88 İnstaqram: dr.azer_mirzoev Facebook: Azer Mirzoev Tik-Tok: dr.azermirzeyev