Hiwalthora Melluma හිවල්තෝර මැල්ලුම-Senna occidentalis | @Secrets of Nature | Wild Cooking | වනපසරස

අධි රුධිර පීඩනය,දියවැඩියාව,අම්ලපිත්ත නැතහොත් ගෑස්ට්‍රයිටිස් මෙන් ම ශරීරයේ ලේ විෂ වීම්වලට... මෙම වැඩසටහනේ මූලික හරය කුමක්දැයි පහදා දිය යුතු යැයි සිතමි. මා දිගු කලක් තිස්සේ වනාන්තර ඇසුරේ වෙසෙන බව ඔබ දන්නා කරුණකි.ඒ සෑම විට ම වාගේ වනවාසී ගැමියෙකුගේ බත්පිඩක්,කැද උගුරක්,අවුල්පතක් හෝ මට ලැබීමේ පිනක් පවතී.අතීතයේ මා කෑ බී දෑ එසේ ම එළිදක්වන්නට බැරි වෙතත් මේ වැඩසටහනේ සිට මා හා මගේ වනවැසි සමීපතමයින් අද වනවිට කන බොන සොබාදහමේ රහස් වූ කෑම බීම ඔබට ද නොරහසක් ව තෑගි කරමි.මේ දෑ සැකසීමේ සියුම් වෙනස්කම් පවතී.ඒ තුළ ම රහසක් වූ ගුණය ද රැදී තිබේ. මෙය සූපවේදය කියා දෙන වැඩසටහනක් නොව ජීවත්වීමට කියා දෙන පාඩමකි.අප ආහාරය කුසට ද මනසට බුද්ධි බද්ධ ප්‍රඥාව ද පුදමු.ඔබ එය ලුහුබැද නෙලා ගන්න.දීර්ඝ නිරෝගී ජීවියකු වන්න.කුහක නොවී සතුටු සිතින් විහරණය කරන්න. මේ අපේ පළමු දිග හැරුමයි.සෑම අගහරුවාදාවකම අපි හමුවෙමු. "හිවල්තෝර මැල්ලුම" කාපු නැති කටකට - හදන හැටි කදිමට මෙම අගනා දිව ඔසුව ඔබේ රෝගපීඩාදිය මතු නොව ජීවිතය ද සමනය කරයි.ජීවන ධාරිතාව පුළුල් කරයි.එබැවින් කිරිඉබ්බන්ආරේ අප කළ්‍යාණ මිත්‍ර සොබාදම් ප්‍රේමී හෙළ පාරම්පරික වෙදදුරු වීරප්පෙරුම මහතා සමග මාගේ ද්වීදශකාධී ඇසුරේ ශේෂ පත්‍රයක් සේ අද මා ලද මෙම ආහාර වට්ටෝරුව පුදමි. අවශ්‍ය ද්‍රව්‍ය නිවැරදිව අවබෝධයෙන් නෙලා ගත් හිවල්තෝර ළපටි පත්‍ර අපතේ නොයන තරමට රතුළුණූ අහුරක් දෙකක් කොච්චි කරල් හෝ අමුමිරිස් සැරේ තරමට ලුණු කුඩු ටිකක් කහ කුඩු පොඩ්ඩක් ගා ගත් පොල් අවශ්‍ය තරමට වතුර ටිකක් (මේ සියල්ල කෑමට සිටින පිරිසට අනුව එකතු කර ගැනීම ඉතා වැදගත් ය.එවිට අපතේ යාමක් සිදු නොවේ.මිනිසුන් සේ ම වනසතුන් ද මේවා ආහාරයට ගත යුතු බව නිතරම සිතන්න.අප ආහාර නාස්ති කරන ජාතියක් බව සංවේගයෙන් දන්වන්නේ නිවැරදි ව එම අඩුපාඩු ව සකසා ගනු පිණිස ය) සාදන විදිහ සරලව මුලින් ම හිවල්තෝර කොළ මැනවින් පිරිසිදු කර සිහින් ව කපා ගන්න.වතුර ගසා පසෙකින් තබන්න. රතුළුණු,කොච්චි හෝ අමුමිරිස් ද සිහින් ව කපා ගන්න.ඒ සියල්ල ලියන ලද හිවල් තෝර හා මිශ්‍ර කරන්න. පළමුව ගාගත් පොල් සමග ඉහත සූදානම් කළ දෑ කවලම් කරන්න.ඊට කහ කුඩු ද එක් කර මිශ්‍ර කරන්න. ලුනු දියර ටිකක් ඉස ලිපේ තබන්න. එතැන දී ඇතිලිය නොවසා පිස ගන්න. මෙය හේනක අඩු පහසුකම් යටතේ අප සැකසුව ද ඔබට නිවස තුළ මනා සේ සාදා ගැනීමට හැකියි.එහෙත් වනපියසක මිහිරි නාද සහ පිරිසිදු වාතය හා නිදහස සමග රස බලද්දී දැනෙන සතුට කොතරම්දැයි ඔබත් දවසක පරික්ෂා කර බලන්න. අද හදා ගන්නා මෙම මැල්ලුම එළිමහනට විත් කෑමට ගෙන වෙනස වටහා ගන්න. හිවල් තෝරවල ගුණාගුණ කෙටියෙන් අධි රුධිර පීඩනය,දියවැඩියාව,අම්ලපිත්ත නැතහොත් ගෑස්ට්‍රයිටිස් මෙන් ම ශරීරයේ ලේ විෂ වීම්වලට ද මෙය කදිම ඔසුවකි.රෝගියකු වී ආහාරයට ගන්නවා වෙනුවට රෝග නැති දා කෑම හිත සුව පිණිස වන බව සිතන්න. සියලු සතුන් ආහාර මත යැපේ. මේ වෑයම මනුසතුන්ට සොබාදහමේ සැබෑ පංගුව බෙදා දීමට යි. රසකාරක ලෝකයක පැටලුණු ඔබ වෙනුවෙන් මහ පොළොවේ සැබෑ සාරය ත්‍යාග කරමු. ඔබේ අනුමෝදනාව විය යුත්තේ සොබාදහම සුරැකීම පමණි. #secretsofnature #Wildlife#srilanka #wildcooking #වනපසරස Like on us - Facebook:https://www.facebook.com/SON938274/?r...