楊思琦澄清「戲屎」遭 杯葛傳聞 重提打包開工拜神豬肉大呻冤枉

楊思琦澄清「戲屎」遭 杯葛傳聞 重提打包開工拜神豬肉大呻冤枉 王祖藍、楊思琦日前出席一個活動，思琦仲帶埋囝囝及媽媽一齊現身。思琦多年前主演嘅劇集《無名天使3D》近日喺翡翠台深夜時段重播，引起網民追劇熱潮之外，同時引發一啲是非傳聞，更有網民質疑思琦當年拍劇疑因為演技唔掂被人杯葛。 myTV SUPER《無名天使3D》重播翻Hit https://www.mytvsuper.com/tc/programm... 思琦笑言當年係憑呢套劇而奪得「飛躍進步女藝員」獎，幾年後亦憑其他作品得到女配角獎殊榮，思琦仲話好多人最近搵唔同影片，分析佢嘅感情同遭遇，又會質疑佢拍咁多套戲都會被人恰，係咪佢先係有問題嘅人，思琦澄清：「我係冇問題，我做足演員要做嘅嘢，我係專業。」 回應完戲屎傳聞之後，思琦又為貪小便宜嘅報道作出澄清。有報道曾指一向係慳妹嘅思琦，唔只打包開工拜神豬肉，仲對隔籬廠嘅萬歲食物虎視眈眈，思琦為此大呻冤枉。思琦話食咗呢塊「豬頭骨」好耐，當時唔係自己主動提出要拎，係有別人先提出打包，而且只係發生過一次，希望大家唔好講一世認為佢好貪心。對於被指拎隔籬廠嘅萬歲食物，思琦就話冇發生過，唔係自己嘅嘢就唔會貪，而佢都萬歲過，只係冇聽過有人講「楊思琦萬歲」。 祖藍事業版圖越嚟越寬廣，佢除咗會進軍飲食業開餐廳之外，佢仲會回歸兒童節目，大家喺七月就會陸續睇到，自己呢幾年都會將重點擺喺小朋友嘅影視創作呢個部分。 #王祖藍 #楊思琦 #無名天使3D #排擠 #貪小便宜 #飛躍進步女藝員 #演技 #是非 #兒童節目 #重播 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0