Salam - Shahadate Hazrat Shehzada e Qasim (as)

Salam - Shahadat e Hazrat e Qasim (as) Dasht me Ibne Hassan (as) per waqt kesa agaya. Lyrics: Dasht may ibne hassan par waqt kaisa aagaya Eik ghatri may faqat qasim ka laasha aagaya dasht may ibne… 1. chaar kaandho par janaza ghar may aata hai magar eik hi kaandhe pe ye kiska janaza aagaya dasht may ibne… 2. Jis tarha chunta hai maali phool apne baagh ke tukde yun qasim ke chun'ne mera maula aagaya dasht may ibne… 3. Choom kar taawiz sarwar dair tak rotay rahe bhai ke lafzo may jaane yaad kya kya aagaya dasht may ibne… 4. Aagayi baraat ran se ro ke fizza ne kaha bibiyo tazeem ko uth jao dulha aagaya dasht may ibne… 5. Laash ko tarteeb jab dene laga zahra ka laal baa'rha maula ki aakhon may andhera aagaya dasht may ibne… 6. Baap ka taweez tha bete ke baazu par bandha is liye pehchan may qasim ka laasha aagaya dasht may ibne… 7. Matami ke ghar may akbar jab koi dulha bana yaad sab ko karbala walay ka sehra aagaya dasht may ibne…