Problematikat e komunës Kashnjet/Nikollë Lesi apelon për ndihmë nga ana e Qeverisë – (2 Shkurt 2005)

Lajme Arkiva 2005 Komuna Kashnjet është në Lezhën ku 600 vjet më parë mbylli sytë Skënderbeu, por dhe sot vazhdon e njëjta errësirë varri. Shqiptarët janë mësuar me diktaturë e të jetojnë si në rrethim. Tani janë të rrethuar nga bora dhe diktatura e dimrit. Varfëri dhe indiferentizëm i plotë në këto zona, ndërsa Poli i Veriut jep alarmin e një apokalipsi. Tre mijë e shtatëqind banorët e kësaj zone janë në emergjencë në 360 ditë të vitit. S’ka energji, por dhe mjekë. Ndihma për këtë situatë nuk janë parë. Banor: “Këtu nuk ka mbërrit asnjë gja dhe asnjë gja nuk më kanë thënë deri në kët moment që kemi nis, as si kemi pru nihma, asgja. Unë kam shumë familje që janë komplet të izolume sot nga bora. Janë prish shpiat dhe ktu nuk ka ardh askush për të na dhënë asnjë gja. Prefektura m’ka ba të ditun për dyqind mijë lekë të reja që t’i kemi akordu. Absolutisht. Këta janë fjalë. Nuk ka drita sepse rrjetet janë krejt të amortizume, janë linjat të derdhuna. Qysh në elektrifikim, këtu nuk ka vu dorë askush.” Edhe pse deputeti Lesi, por jo i kësaj i zone propozon gjendjen e emergjencës, Parlamenti vazhdon ngrohjen e zakonshme, ndërsa natyra dhe jeta në Veri janë në alarm të jashtëzakonshëm. Deputeti Lesi s’ka bërë premtime elektorale, por dikur mësues në këtë zonë, ndjen se zëri i këtyre banorëve duhet të shkojë në Qeveri. Nikollë Lesi: “Takova drejtues të komunës. Takova këshilltarë socialistë dhe demokratë, të gjitha rrymave politike dhe situata është shumë e përkeqësuar. Situata është shumë keq. Rrugët janë të bllokuara. Nuk ka ndihma nga shteti për ushqime. Energjia elektrike mungon dhe përfitoj nga rasti nëpërmjet televizionit tuaj që t’i bëj thirrje Qeverisë që të përshpejtojë ritmet, pasi me këtë kohë, me këtë mot siç po duket, do jetë shumë i keq në ditët e ardhshme. Komunat dhe zonat e Veriut jo vetëm do bllokohen, por nëse nuk ka ritëm të shpejtë në furnizime, në hapjen e rrugëve, gjëndja do përkeqësohet dhe do ketë një situatë alarmi. Unë mendoj që Qeveria duhet të kishte shpallur gjendjen e Emergjencës Kombëtare në këto zona.” Në këto zona bora është e pashkelur nga asnjë gjurmë qeveritari, që kur u vërsulën për votat. Banor: Na premtun rrugën e Krezves, na jepni votat. Nuk ua dhashë asnjë. Le po dhe ai nuk mori asnjë, vetëm at premtimin, at rrenën që na boni si popull. Na mblodh të gjithëve këtu. Para shkollës na ka mbledh këtu. Këtu janë shtëpitë, ka me një fjalë gjisma e zonës janë të mbulume që nuk dalin jashtë, vetëm me bo me shku mosha e djemve të rinj që janë të rrethum sot këtu se janë pleq.” Gazetarja: Dhe ndihma a kanë parë? Banor: “Nihma hala. Veçse ishalla vijnë tash e mbrapa.” Banor: “Për Zotin, kjo është 50 kile miell, edhe dy kuintal misër.” Gazetarja: Dhe këto ju dalin, thatë, për dy javë? Banor: “Për dy javë.” Në zonat e tjera shkolla është mbyllur. Edhe këtu që vazhdon duket se është mbyllur me kohë, pasi në këto kushte ka rënë bora e analfabetizmit. Nxënëse: “Siç e shihni nuk ka as xhama, as dyer, as dritare, nuk kemi ç’të themi. Për një njeri që do të mësojë, ai mund ta vazhdojë shkollën e lartë, por me këtë gjendje që jemi ne nuk mund ta vazhdojmë.” Nga ajri është vështirë. Banorët presin një ndihmë të vijë nga toka dhe nga Qeveria, por duket se ajo s’ka faj pasi s’ka mundur të shtrojë as rrugë për të shkuar atje./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/