Øvelse Svalbard 2025

Korleis handterer ein eit oljeutslepp midt mellom fastlandet og Nordpolen? Det fekk vi nyleg trent på under ei beredskapsøving i Kongsfjorden, som ligg 79 grader nord ved Svalbard. I arktiske område er det mange utfordringar – det er få ressursar her, og det kan vere både is og kulde, mørkt, og dårleg dekning. Vi øvde derfor på å handtere eit utslepp i sårbar arktisk natur saman med våre gode samarbeidspartnarar i Kystvakten, Sysselmesteren, Kings Bay AS og fleire private aktørar.