“MİLLİÖN” APARATLARI NECƏ OĞURLANDI.

Cəlilabad Rayon Polis Şöbəsinin əməkdaşlarının keçirdikləri əməliyyat axtarış tədbirləri nəticəsində qaçırdıqları avtomobillərlə ödəmə terminallarını oğurlayan şəxslər saxlanılıb. Belə ki, Cəlilabad rayon sakinləri Kənan Diniyev və İsmət Mehtiyev rayonun Təzəkənd kəndi ərazisindən qaçırdıqları “Vaz 2105” markalı avtomobillə Alar kəndindəki mağazadan 120 manat pul, tütün məmulatları, içərisində 2070 manat olan “Milliön” ödəmə terminalını oğurlayıblar. Daha sonra eyni qayda ilə rayonun Ocaqlı kəndindən qaçırdıqları “Vaz2103” markalı avtomobillə Qarazəncir kəndi ərazisindəki bir mağazadan içərisində 5000 manat pul olan “Million” aparatını və 450 manat dəyərində tütün məmulatlarını oğurlayıblar. Saxlanılan şəxslər ödəmə terminallarını kəsərək içərisindəki pulu götürdükdən sonra həmin aparatları rayonun Cəfərxanlı kəndi ərazisindəki gölə atdıqlarını bildiriblər.Terminllar həmin göldən aşkarlanaraq maddi sübut kimi götürülüb.