Trust That God’s Working It Out | Stephen Prado

Trust That God’s Working It Out | Stephen Prado Mga kapatid, huwag mong hintayin maintindihan mo lahat bago ka magtiwala sa Diyos. Kung alam ng Diyos ang buong picture, hindi mo kailangang malaman lahat ng detalye para sumunod. Tandaan ninyo ito: Obedience opens doors that human understanding never could. At baka may mga taong nakikinig ngayon na nasa season na parang weird ang instruction ng Diyos. Hindi mo maintindihan bakit kailangan mong bitawan iyon. Hindi mo maintindihan bakit kailangan mong maghintay. Hindi mo maintindihan bakit doon ka Niya dinadala. Pero kung si Jesus ang nagsalita, maaari kang magtiwala kahit hindi pa malinaw ang lahat. Dahil ang parehong Diyos na nagbigay ng instruction ay Siya ring Diyos na naghahanda ng provision sa dulo ng obedience mo. Kaya ngayong gabi, huwag kang matakot sumunod. Hindi mo kailangang maging sophisticated. Hindi mo kailangang maging impressive. Hindi mo kailangang magkaroon ng lahat ng sagot. Kailangan mo lang ng pusong handang magsabi: “Lord, hindi ko man lubos maintindihan… pero magtitiwala pa rin ako sa’Yo.” At mga kapatid, iyon ang uri ng pananampalataya na kayang gamitin ng Diyos upang gumawa ng mga bagay na higit pa sa inaakala natin.