Venlo mien stad

Gebrach, geschreve en gekômponeerd door Piet van Kleef De parade steit vol as d’n optoch begint, en ik op d’n nek van mien vader as kind. Mien mooder d’r veur mit ein lachend gezich, en dan is ‘t vastelaovend veur mich. Verkleid en geschmink beej idderein thoés, femilie en vrinde beej ôs in ’t hoés. Mien mooder die steit mit ein lachend gezich, en dan is ‘t vastelaovend veur mich. Nemus te groët en idderein klein, danse en zinge en noëits miër allein. Wae in Venlo gebaore is, dae wit waat det is. Venlo mien stad, ik heb de moëiste tiéd van mien laeve gehad. As de joeks weer begint, bin ik weer det kind van toen. ‘t Stadhoés steit nog steeds en ik weer veuraan, miene blaag dae rup, dao kômme ze aan. Mien leef steit d’r beej mit ein lachend gezich, en dan is ‘t vastelaovend veur mich. Nemus te groët en idderein klein, danse en zinge en noeits miër allein. Wae in Venlo gebaore is, dae wit waat det is. Venlo mien stad, ik heb de moeiste tiéd van mien laeve gehad. As de joeks weer begint, bin ik weer det kind van toen.