Gjyqi i Patave, avokatët largohen në mënyrë demonstrative nga salla e gjyqit - (7 Nëntor 2008)

Lajme arkiva 2008 Për herë të dytë, Astrit dhe Nelgert Pata në mënyrë demonstrative largohen nga salla e Gjykatës së Krimeve të Rënda, ku një trup gjykues zhvillon shqyrtimin e procesit ndaj tyre. Gjykatësi: Nëse doni të qëndroni, qëndroni. Nëse nuk doni të qëndroni largohuni dhe mbani anën ...” Avokati: “Ju na bëni me dije zoti gjyqtar se po ndërhyni disa herë po na bën me dije. Për çfarë dije po në bën? Procedurën e kam dhënë mbi 73 ...” Gjykatësi: “Ka tjetër procedurë ka ndryshuar.” Avokati: “Jo nuk ka ndryshuar fare, biles ka qenë gjithçka më e favorshme për mbrojtjen. Largohemi, mbylljen shënojeni si të doni, sepse masat i keni marrë bashkë më Ministrin e Drejtësisë për të zgjidhur këtë problem. Urojmë ta zgjidhni sa më parë, ja ku i ke edhe të pandehurit.” Avokatet mbrojtës të dy të pandehurve Basri Mane dhe Hasëf Hadëri, kanë kërkuar në fillim të seancës revokimin e masës së arrestit dhe ndryshimin e saj me një masë më të lehtë. Që prej dy vitesh Astrit dhe Elgert Pata qëndrojnë nën arrest me burg për të njëjtën akuzë, që sipas mbrojtësve ligjore mbetet një akuzë abuzive e prokurorisë. Dorëheqja nga mbrojtja e dy të pandehurve dhe largimi nga salla e gjyqit në fakt ka patur dhe një tjetër arsye të fortë për avokatët të cilët deklarojnë, se dënimi i dy klientëve të tyre është përcaktuar me parë nga gjykata. Procesi penal ndaj dy të pandehurve Pata është në fazën e administrimit të provave të mbrojtjes, por sot në sallë gjykata ishte përgatitur të njihej me dëshminë e marr në Belgjikë të një prej dëshmitareve Silvana Kalemi, e cila pretendon të jetë personi i dëmtuar i trafikuar dhe i detyruar të ushtrojë prostitucion nga dy të pandehurit. Avokatët deklaruan në sallë se ky trup gjykues i ka mohuar të drejtën e mbrojtjes duke mos i pranuar prova dhe dëshmitaret kyç në sallën e gjyqit. Nuk dihet cili do të jetë fati i këtij procesi, kur avokatë dhe të pandehur refuzojnë të marrin pjesë në një gjykim, që sipas tyre është i njëanshëm dhe i paravendosur./tvklan.al Gazetare: Anduena Llabani SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/