Bang-e-Dra: 06 | Aik Makra Aur Makhi | Allama iqbal | Urdu poetry | Kalam e iqbal | iqbaliyat urdu

follow us for kalam-iqbal urdu explanation ::   / allamaiqqbal     / allamaiqqbal   visit our blog :: https://www.allamaiqqbal.blogspot.com ............................................. Bang-e-Dra: 006 Aik Makra Aur Makhi ایک مکڑا اور مکھّی ( ماخوذ) بچوں کے لیے اک دن کسی مکھّی سے یہ کہنے لگا مکڑا اس راہ سے ہوتا ہے گزر روز تمھارا لیکن مری کُٹیا کی نہ جاگی کبھی قسمت بھُولے سے کبھی تم نے یہاں پاؤں نہ رکھّا غیروں سے نہ مِلیے تو کوئی بات نہیں ہے اپنوں سے مگر چاہیے یوں کھنچ کے نہ رہنا آؤ جو مرے گھر میں تو عزّت ہے یہ میری وہ سامنے سیڑھی ہے جو منظور ہو آنا مکھّی نے سُنی بات جو مکڑے کی تو بولی حضرت! کسی نادان کو دیجے گا یہ دھوکا اس جال میں مکھّی کبھی آنے کی نہیں ہے جو آپ کی سیڑھی پہ چڑھا، پھر نہیں اُترا مکڑے نے کہا واہ! فریبی مجھے سمجھے تم سا کوئی نادان زمانے میں نہ ہو گا منظور تمھاری مجھے خاطر تھی وگرنہ کچھ فائدہ اپنا تو مرا اس میں نہیں تھا اُڑتی ہوئی آئی ہو خدا جانے کہاں سے ٹھہرو جو مرے گھر میں تو ہے اس میں بُرا کیا! اِس گھر میں کئی تم کو دکھانے کی ہیں چیزیں باہر سے نظر آتا ہے چھوٹی سی یہ کُٹیا لٹکے ہوئے دروازوں پہ باریک ہیں پردے دیواروں کو آئینوں سے ہے میں نے سجایا مہمانوں کے آرام کو حاضر ہیں بچھونے ہر شخص کو ساماں یہ میّسر نہیں ہوتا مکھّی نے کہا خیر، یہ سب ٹھیک ہے لیکن میں آپ کے گھر آؤں، یہ امّید نہ رکھنا ان نرم بچھونوں سے خدا مجھ کو بچائے سو جائے کوئی ان پہ تو پھر اُٹھ نہیں سکتا مکڑے نے کہا دل میں، سُنی بات جو اُس کی پھانسوں اسے کس طرح یہ کم بخت ہے دانا سَو کام خوشامد سے نکلتے ہیں جہاں میں دیکھو جسے دنیا میں خوشامد کا ہے بندا یہ سوچ کے مکھّی سے کہا اُس نے بڑی بی! اﷲ نے بخشا ہے بڑا آپ کو رُتبا ہوتی ہے اُسے آپ کی صورت سے محبّت ہو جس نے کبھی ایک نظر آپ کو دیکھا آنکھیں ہیں کہ ہیرے کی چمکتی ہوئی کَنیاں سر آپ کا اﷲ نے کلغی سے سجایا یہ حُسن، یہ پوشاک، یہ خوبی، یہ صفائی پھر اس پہ قیامت ہے یہ اُڑتے ہوئے گانا مکھی نے سُنی جب یہ خوشامد تو پسیجی بولی کہ نہیں آپ سے مجھ کو کوئی کھٹکا انکار کی عادت کو سمجھتی ہوں بُرا میں سچ یہ ہے کہ دل توڑنا اچھّا نہیں ہوتا یہ بات کہی اور اُڑی اپنی جگہ سے پاس آئی تو مکڑے نے اُچھل کر اُسے پکڑا بھوکا تھا کئی روز سے، اب ہاتھ جو آئی آرام سے گھر بیٹھ کے مکھّی کو اُڑایا Aik Makra Aur Makhi (Makhooz) - Bachon Ke Liye A SPIDER AND A FLY (Adopted for Children) Ek Din Kisi Makhi Se Ye Kehne Laga Makra Iss Rah Se Hota Hai Guzar Roz Tumhara One day a spider said to a fly Though you pass this way daily Lekin Meri Kutiya Ki Na Jagi Kabhi Kismat Bhoole Se Kabhi Tum Ne Yahan Paun Na Rakha My hut has never been honored by you By making a chance visit inside by you Ghairon Se Na Miliye To Koi Baat Nahin Hai Apno Se Magar Chahiye Yun Khinch Ke Na Rehna Though depriving strangers of a visit does not matter Evading the near and dear ones does not look good Aao Jo Mere Ghar Mein To Izzat Hai Ye Meri Woh Samne Seerhi Hai Jo Manzoor Ho Ana My house will be honored by a visit by you A ladder is before you if you decide to step in Makhi Ne Suni Baat Jo Makre Ki To Boli Hazrat! Kisi Nadan Ko Dijiye Ga Ye Dhoka Hearing this the fly said to the spider, "Sire, you should entice some simpleton thus Iss Jaal Mein Makhi Kabhi Aane Ki Nahin Hai Jo Aap Ki Seerhi Pe Charha, Phir Nahin Utra This fly would never be pulled into your net Whoever climbed your net could never step down” #Allamaiqbalpoetry #urdupoetry #kalam_e_iqbal #iqbaliyat #Bang_e_dra ............................................. Copyright Disclaimer Under Section 107 of the Copyright Act 1976, allowance is made for "fair use" for purposes such as criticism, comment, news reporting, teaching, scholarship, and research. Fair use is a use permitted by copyright statute that might otherwise be infringing. Non-profit, educational or personal use tips the balance in favor of fair use.