8 TOXIC Comments ng Magulang na Sumisira sa Mental Health ng Anak

Maaaring minamahal ng mga magulang ang mga anak, subalit paano kung sa mga salita pa lamang nila, ibang bunga na ang naitatanim sa isip ng mga bata? Umaasa ng pagmamahal at pangangalaga ang mga anak sa kanilang mga magulang, subalit, paano kung ang nangyayari sa tahanan ay kabaliktaran? Ang mga salita ay maaaring gamot; maaari rin silang maging mga lason. Ang mga salita ay makapagpapagaling; kaya rin nilang pumatay... Depende lahat sa kung paano, kailan at saan sila ginagamit at laban kanino! Huwag nating abusuhin ang ating mga salita. Ito ay isang maling paggamit ng dila!”, ang paliwanag ni Israel pa Ayivor Marami ang kaso ng emosyunal na pang-aabuso sa mga bata. Sinasadya man o hindi, ang masasakit na salita ay maaaring mag-iwan ng pangit na mga marka at alaala mula sa maikling panahon hanggang sa habambuhay. Ang masasakit na pananalita sa mga bata ay maaaring magmula sa mga mahal sa buhay tulad ng mga magulang, at ang psychological at emotional damage ay maaaring makapinsala sa mga anak. Ang paraan ng pagpapalaki ng mga magulang sa kanilang mga anak, pag-uugali, at pagpapahalaga na ipinakikita sa kanilang mga anak ay nagtatakda ng pangunahing batayan na bubuo sa personalidad at pagpapahalaga sa sarili ng mga anak. Kaya, bilang magulang o guardian, paano mo malalaman kung toxic na ang mga binibitiwan mong salita sa iyong mga anak? Tatalakayin sa videong ito ang walong toxic na bagay na sinasabi ng mga magulang na maaaring sumira sa buhay ng isang bata at sa kapayapaan ng pamilya. Hangad naming makapagligtas ng buhay sa pamamagitan ng pagbabahagi ng animated content na tumatalakay sa mental health. Pakisuyong i-share ang videong ito sa mga taong naniniwala kang kailangan ito. #HealthyMindPinoy #MentalHealth #ToxicWords