SPAK merr të pandehur kryebashkiakun e Kolonjës, Erion Isai

Prokuroria e Posaçme, SPAK, ka marrë të pandehur kryebashkiakun e Kolonjës, Erion Isai. Sipas asaj që raporton gazetarja Glidona Daci, akuza zyrtare i është komunikuar disa ditë më parë. Isai është marrë i pandehur për akuzën e shkeljes së barazisë në tendera, në ndërtimin e rrugës Korçë-Ersekë. “Bëhet fjalë për një hetim, për shkelje të barazisë në tendera sa i takon ndërtimit të rrugës Korçë-Ersekë, një rrugë që sipas të gjitha informacioneve që SPAK ka mbledhur, nuk janë respektuar udhëzimet e autoritetit kontraktues dhe, po ashtu, cilësia e punimeve ka qenë e dobët. Edhe përcaktimi i kompanisë e cila do të shpallej fituese për ndërtimin e pjesës që i takonte Bashkisë së Kolonjës, sipas dyshimeve të akuzës deri në këtë moment, rezulton të ketë qenë i paracaktuar nga ana e kryetarit të Bashkisë së Kolonjës, së bashku me anëtarët e Komisionit të Vlerësimit të Ofertave”, raporton gazetarja Glidona Daci. Vetë Isai, gjatë deklarimeve të tij në SPAK, ka pretenduar se nuk ka pasur asnjë lloj shkelje dhe kompania e përzgjedhur si fituese plotësonte të gjitha kriteret dhe ka ofruar edhe ofertën më të ulët. Së bashku me Isain janë marrë të pandehur edhe anëtarët e Komisionit të Vlerësimit të Ofertave. /tvklan.al SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan