Të shtënat me armë ndaj servisit të celularëve në Babrru, zbardhet ngjarja

Një 18-vjeçar është arrestuar nga Policia pas një ngjarjeje me armë zjarri të ndodhur mbrëmjen e djeshme në zonën e Babrrusë, ku dyshohet se ka qëlluar me automatik në drejtim të një servisi celularësh. Sipas Policisë, ngjarja ka ndodhur pas një konflikti për motive të dobëta mes të riut dhe pronarit të servisit, shtetasit Xh. I. Pas përplasjes, 18-vjeçari R. M. dyshohet se ka qëlluar dy herë me armë zjarri automatike drejt biznesit, duke shkaktuar vetëm dëme materiale në fasadën e jashtme dhe në ambientet e brendshme. Pas marrjes së njoftimit, shërbimet e Komisariatit të Policisë Nr. 5 kanë organizuar operacionin policor të koduar “Zbulimi”, duke bërë të mundur identifikimin, lokalizimin dhe arrestimin e autorit të dyshuar. I riu u kap rreth 3 kilometra larg vendit ku ndodhi ngjarja. Gjatë kontrolleve të zonës, efektivët gjetën dhe sekuestruan armën e zjarrit automatike të përdorur në ngjarje, si dhe municion luftarak. Materialet procedurale i janë dërguar Prokurorisë për veprime të mëtejshme hetimore. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan