“Muruntov” koni — innovatsion taraqqiyotning amaliy namunasidir.

“Muruntov” koni — innovatsion taraqqiyotning amaliy namunasidir. Konchilik sanoatida strategik ahamiyatga ega bo‘lgan yana bir yirik loyiha muvaffaqiyatli amalga oshirildi. Ammiakli selitraning mexanizatsiyalashgan yuklash majmuasining ishga tushirilishi ishlab chiqarish jarayonlarini to‘liq avtomatlashtirish, inson omilini qisqartirish va sanoat xavfsizligini yangi bosqichga olib chiqishga xizmat qilmoqda. Yangi infratuzilma yechimlari, jumladan qo‘shimcha kirish-chiqish tizimi joriy etilishi orqali transport oqimlari samarali boshqarilib, ishlab chiqarish jarayonlarining uzluksizligi ta’minlandi. Mazkur innovatsion yondashuv natijasida vaqt va resurslar tejashga erishilib, yillik hisobda taxminan 20 milliard so‘m iqtisod qilish imkoniyati yaratildi. Ushbu loyiha nafaqat kombinat faoliyati samaradorligini oshirishga, balki mamlakatimiz konchilik sanoatining xalqaro maydondagi raqobatbardoshligini yanada mustahkamlashga xizmat qiladi.