Sing光路上丨張佳添大方分享感情史 經歷兩段婚姻後更享受拍散拖

Sing光路上丨張佳添大方分享感情史 經歷兩段婚姻後更享受拍散拖 《中年好聲音》評審張佳添，呢日上嚟主播 潘盈慧 主持嘅《Sing光路上》，但就唔係同大家講音樂，而係大談佢嘅情史。 曾經有過兩段婚姻嘅添Sir，表示同首任太太結婚時自己仲好年青，根本唔知婚姻嘅咩一回事，即興就去咗拉斯維加斯結婚，佢哋嘅婚姻維持咗大約12年，雖然最終都係離婚收場，不過添Sir就視為一個成就，因為佢哋縱然未能成為夫妻，但添Sir指與首任太太仍然可以做到再見亦是朋友，仲講笑話可以擺酒慶祝離婚呀。 而同首任太太離婚後，尚未處理好自己嘅情感狀態，添Sir又投入咗去另一段新戀情，但慢慢發覺大家嘅性格脾氣都唔夾，搞到經常嗌交，最終兩人亦走到離婚呢步，添Sir話由於同兩位前妻都有小朋友，所以大家離婚後，睇住小朋友份上都有keep住好好嘅關係。 經歷兩段婚姻後，添Sir承認拍過好多次散拖，直言拍散拖係令佢感到最舒服嘅關係，佢亦會以自己嘅愛情經歷，去輔導感情有問題嘅人。 添Sir又分享自己現時嘅愛情觀，佢話要揾到一個理想伴侶一啲都唔容易，首先要符合「三高」條件，第一要互相吸引、第二要相合度、好似文化上、思想上、生活習慣上，甚至床上都要合拍，第三價值觀要相似，如果未能符合呢三樣條件，添Sir話都唔會考慮，而佢話自己至今都從未遇過呢個人，所以而家嘅添Sir，對愛情已經唔再執著，亦唔在乎一定要揾個終身伴侶，佢話同自己談戀愛已經足夠。 #Sing光路上 #張佳添 #中年好聲音 #評審 #潘盈慧 #情史 #兩段婚姻 #離婚 #小朋友 #散拖 #舒服 #愛情經歷 #輔導 #愛情觀 #三高 #互相吸引 #相合度 #價值觀 #執著 #終身伴侶#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0