偕丁子朗陳曉華赴大馬宣傳大受歡迎 周嘉洛被粉絲熱情融化

偕丁子朗陳曉華赴大馬宣傳大受歡迎 周嘉洛被粉絲熱情融化 周嘉洛、陳曉華、丁子朗日前到馬來西亞出席連串公開活動，佢哋嘅人氣真係去到邊都咁受歡迎，除咗出席品牌活動之外，其中一站佢哋去到一個商場，出席由TVBI舉辦嘅粉絲見面會。 三人難得同當地粉絲見面，兼共度温馨嘅Parent’s Day，粉絲們都表現得相當熱情，成個商場都逼到針都插唔入呀。 佢哋除咗同大家玩遊戲之外，更落台派鮮花近距離互動，首次到大馬出席宣傳活動嘅嘉洛同丁丁都被大家嘅熱情溶化。嘉洛話之前都聽講過大馬觀眾好熱情、好有人情味。佢話初頭都唔係好信，仲覺得無理由呢個世界有咁天堂嘅地方，直到親身到大馬先知真係咁。而丁丁亦都好開心可以同大馬嘅劇迷見面，知道當地嘅粉絲，對自己嘅作品有好好嘅迴響，丁丁當堂打咗支強心針呀。 話晒呢日活動嘅主題係Parent’s Day，講到平日同父母嘅相處點滴，Hera就話屋企嘅愛心湯水，真係令佢感受到滿滿嘅愛。而身為地膽嘅 王鄭浚仁 呢日亦有上台唱歌助興，仲獲唔少粉絲喺台下吶喊應援，現場真係好似開演唱會咁high呀。 雖然佢哋呢次行程相當緊密，但係佢哋都一樣忙裡偷閒，除咗四圍去參觀之外，當然唔少得醫吓肚啦，望住咁靚嘅view食咁精緻嘅美食，佢哋都胃口大開，榴槤控嘉洛仲話如果可以食埋榴槤，咁呢個Trip就好圓滿喇﹗不過，Hera就話佢反而想發掘馬來西亞好玩嘅地方，事關佢話好想享受下陽光與海灘呀。 #周嘉洛 #陳曉華 #丁子朗 #馬來西亞 #TVBI #ParentsDay #熱情 #王鄭浚仁 #愛心湯水 #美食 #榴槤 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0