ህፃናት ላይ ተደጋጋሚ ሳል እና ትኩሳት መንስኤ| Foreign body aspiration| Dr Yonathan.K| ዶ/ር ዮናታን ከተማ| kedmia letenawo

የህፃናት ተደጋጋሚ የሳል እና ትኩሳት መንስኤ ህፃናት በተለያየ አጋጣሚ  ትናንሽ የጥራጥሬ ምግብ  ወይም በአድ የመጫወቻ እቃ በአፋቸው ይዘው ሲጫወቱ ወይም ሲያወሩ በድንገት የመተንፈሻ ቱቦ እና ሳንባ ውስጥ ሊገባ ይችላል። ይህ ችግር ከ5 አመት በታች የሆኑ ህፃናት ላይ የሚከሰት ሲሆን በብዛት  ግን ከ1-3 አመት ያሉ ህፃናት ላይ ይስተዋላል። የገባው በአድ ነገር የመተንፈሻ አካል ላይ ሁለት አይነት ችግሮችን ሊያስከትል ይችላል።  የመጀመሪያው እንደአለመታደል ሆኖ የገባው በአድ ሙሉ ለሙሉ የዋና መተንፈሻ መስመሩን ከዘጋ እና ልጁ ለማሳልም ሆነ ለመተንፈስ ስለሚቸገር በአድ ነገሩ እንዲወጣ ወዲያውኑ  አርዳታ ካልተሰጠው ድንገተኛ የሞት አደጋን ያስከትላል። ሁለተኛው ሙሉ በሙሉ የትንፋሽ መስመርን ያልዘጋ በአድ ሲሆን የትንፋሽ ማጠር እና ትንታን በማስከተል ሳንባ በራሱ ተፈጥሮአዊ ምላሽ ተደጋጋሚ የሆነ ሳልን በመፍጠር በአድ ነገሩን ለማስወገድ ይጥራል።  በዚህ ጊዜ ወላጆች በአካባቢው ካሉ ማድረግ ያለባቸው ልጁ በደንብ እንዲያስል ማበረታታት እንጂ ባእዱን በጣት ለማውጣት ወይም ጀርባ መምታት ተገቢ አይደለም። ነገርግን ነገሮች ተባብሰው ልጁ ማውራትም ሆነ መተንፈስ እንዲሁም ማሳል ካቃተው ወዲያውኑ እንደ እድሜው የመጀመሪያ እርዳታ መስጠት ያስፈልጋል።