BENALVIN - UNAN (OFFICIAL VISUALIZER)

LYRICS: Verse 1 Pakiramdam ng halik mo Nananatili pa rin sa pisngi ko Mga mensaheng kay lambing Parang nobela bago tayo matulog sa gabi Mga larawan mo, hawak ko pa rin Pinagmamasdan bawat ngiti Bakit ang hirap mong limutin? O baka ayoko lang tanggapin… Parang tinta sa papel ang alaala mo… Kahit pilitin kong burahin… Lalong lumalalim… Pre-Chorus Kahit alam kong malabo na tayo Parang salaming natabunan ng abo Ako’y naiwan, ‘di makagalaw Sa desisyon natin, ikaw ang panalo Ako yung naiwan sa pagitan… Ng dati… at ng wala na… Verse 2 ‘Di na maitago ang sakit na ‘to Kahit anong pilit kong itago ‘Di ko kayang magsinungaling Na okay lang kahit wala ka sa piling Unan na laging yakap sa gabi Sana’y ikaw ang katabi ko muli Umaasang paggising ko bukas Ikaw pa rin ang unang mahahagkan Sa bawat gabi na wala ka… Mas lumalalim ang katahimikan… At doon kita mas naririnig… Chorus ‘Di pa rin ako sanay na wala ka ‘Di pa rin ako sanay na mag-isa Bawat gabi hinahanap ka Sa unan ko na lang nadarama ‘Di pa rin ako sanay na wala ka ‘Di pa rin ako sanay na mag-isa ‘Di pa rin ako sanay Na wala ka… Outro Pakiramdam ng halik mo… Nandito pa rin… Pero ikaw… Wala na rin… Iniwan mo ‘ko… Pero hindi mo kinuha… Yung pakiramdam mo sa’kin…