Eid Al Adeha Arefa celebration in Gurage zone ኢድ አል አድሃ አረፋ በዓል በጉራጌ

Eid Al Adeha Arefa celebration in Gurage zone ኢድ አል አድሃ አረፋ በዓል በጉራጌ የኢድ አል አድሃ አረፋ እለት ዙልሂጃ 9 ሁጃጆች ወደ ዐረፋ ተራራ ሲወጡ የመካ ሴቶች ደግሞ ወደ መካ ይጎርፋሉ:: የውመል ኸሊፍን ያከብራሉ:: ዕለቱ ሀጅ ላልሄዱ መኪዮች የመካ መከፈት ዐረፋ ወይም የሴቶች ዐረፋ ወይም የውመል ኸሊፍ يوم الخليف ይባላል:: መካ ባዶ ስትሆን ማለት ነው:: የመካ ሴቶች ሕጻናት ልጆቻቸውን ይዘው መካ ይገባሉ:: ያጸዳሉ:: በዓላቸው ዙልሂጃ 9 ነው:: የጉራጌ ሴቶችም ልክ እንደ መካ ሴቶች ቤቱን ይቆጣጠራሉ, ያጸዳሉ, ምንጣፍ ያነጥፋሉ:: ወንዶች ለከብቶች ለሦስት ቀናት የሚሆን ሳር ያዘጋጃሉ, ለዒድ ተፈልጦ የተከመረ ማገዶ ያግዛሉ, ለዒድ የሚሆን ሰንጋ ይዘው ይመጣሉ:: በሴቶች ዐረፋ ቀን ሴቶች ገበያ እንኳ አይወጡም:: በዚያ ዕለት የሚውል ገበያ "የሽርሽርየ ገቨያ" ይሉታል:: የወፈፌ ገበያ እንደማለት ነው:: የሆነ የጎደለ እቃ ግዝት ተደርጎ የሚሮጥበት እና ገበያውም ለትንሽ ሰዓት ብቻ የሚቆይ ስለሆነ ነው የእብድ (የወፈፌ) ገበያ የተባለው:: ተተሳሳይ ገበያ ሀጅ ሚና ላይ አለ:: ሁሉም ነገር ውድ ሲሆን ያገኙትን ገዝቶ እብስ ነው እንጂ ተመልሼ አገኘዋለሁ የለም:: ገጠርም እንደዚያው ነው:: በዚያ ወቅት ብዙ ሰው ገበያ ውስጥ መታየት አይፈልግም:: ሻጭም ገዥም ላጥ ላጥ አድርጎ እብስ ነው:: የሀገራችን የእስልምና ባሕሎቻችን ከእስልምናው የተቀዱ ናቸው:: ዒደል አድሃ ሙባረክ