Marketdəki bu ÇAYLARI ALMAYIN -Suya qatanda belə olur...

#Cay #BirBax #Çay "Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz: (+994) 55-554-58-83 Dadına doymadığımız, xüsusən də iftardan sonra süzüb-süzüb içmək istədiyimiz çayların tərkibindən xəbəriniz var? İçdiyiniz o çayların çoxu rəngdir-ifadəsini yəqin ki siz də azı bir dəfə eşitmisiniz. Bu gün marketlərdən çay alan zaman əksər insan qutusuna, tərkibinə baxmadan seçim edir. Çox vaxt da endirimdə olan, qiyməti daha münasib çaylara üstünlük verilir. Maraqlıdır, aldığımız çayların hansı daha yaxşıdır? Çaya rəng qatıldığını öncədən bilmək mümkündürmü? Siz bir bax kanalındasınız. Bu kimi videoların davamının gəlməsini istəyirsinizsə, kanalımıza abunə olub, videolarımızı bəyənməyi unutmayın. Əhali deyir ki, "qara çayı soyuq suya atırsan, rəng verir”, yaxud "çöküntü verir, sonradan rəngi bulanır” bu nədəndir? Təəssüflər olsun ki, çay istehsalı ilə məşğul olan insanlar, şirkətlər insanları maarifləndirmirlər. Əhali bilməlidir ki, xırdalanmış və rəngi tünd olan çay keyfiyyətli deyil. Onlar çayın tozundan hazırlanır. Mütəxəssislər xüsusilə paket çay alarkən insanları diqqətli olmağa çağırır. . Bəzi şirkətlər paket çay istehsalında daha az maddi vəsait xərcləmək məqsədilə, ləvazimatların seçimində keyfiyyətli deyil, sintetik materiallara üstünlük verirlər. Nəticədə paket çay içdiyimiz zaman orqanizm zərər görür. Xüsusilə də çay alarkən xırda yarpaqlı çayların arzuolunmayan olduğunu nəzərə alın. Daha keyfiyyətli çaylar kolun uzun yarpaqlarından yığılanlardır. Söhbət iri yarpaqlı çaylardan gedir. Nə qədər təbii, keyfiyyətli olursa olsun, çay düzgün dəmlənilmədiyi zaman insan orqanizmində ciddi fəsadlar yarada bilir. Bəs düzgün dəmlənməyən çayı necə bilə bilərik? ÇAYIN ACI OLMAsı. Çayı dəmlədikdən sonra uzun müddət ocaq üzərində gözlətmək doğru deyir. Bu, onun dadının və tərkibinin dəyişməsinə səbəb olur. Yüksək istiliyə məruz qalan çay ağızda qəribə bir dad buraxır. Əgər çayı çox dəmləsəniz, çay fenolu, lipoidi və efir komponentləri turşuyur. Bu da çayın həm şəffaflığını, dad və iy keyfiyyətini aradan qaldırır, həm də qida dəyərini aşağı salır. Belə ki, çay yarpaqlarında olan C və P vitaminləri, amin turşuları və digər dəyərli maddələr turşuyur. Çay dəmləndikdən sonra mütləq ocaqdan alınmalıdır. Yoxsa başda qastrit və xora olmaqla mədədə problemlər yaradar. Çox isti çay içmək olmaz: qaynar çay boğazı, qida borusu və mədəni güclü aşındırır. Qaynar çayın mütəmadi qəbulu bu orqanların zədələnməsinə səbəb olur. Son araşdırmalara görə, 62 dərəcədən yuxarı temperaturda mütəmadi içilən çay mədə divarını zədələyir və müxtəlif mədə xəstəliklərinə səbəb olur. Çayın temperaturu 56 dərəcədən yuxarı olmamalıdır. Soyuq çay içmək olmaz: İsti və qaynar çay insana gümrahlıq verdiyi, şüur və görmə qabiliyyətini aydınlaşdırdığı halda, soyuq çay əks təsir göstərir: orqanizmə soyuq və rütubəti toplayır. Tünd çay içmək olmaz: Tünd çayın tərkibində olan kofein və tein maddəsi başağrısı və yuxusuzluğa səbəb ola bilər. Yeməkdən qabaq çay içmək olmaz: yeməkdən əvvəl içilən çay mədə şirəsinin durulaşdırır. Odur ki, çayı yeməkdən ən azı 20-30 dəqiqə əvvəl içmək məsləhətdir. Yeməkdən dərhal sonra çay içmək olmaz: çayda olan tanin protein və dəmirin bərkiməsinə səbəb olur. Əgər yeməkdən sonra çay içmək istəsəniz, 20-30 dəqiqə gözləmək məsləhətdir. Dərmanı çayla qəbul etmək olmaz: Çinlilər deyirlər ki, çay dərmanın tərkibini dağıdır. Dünənki çayı içmək olmaz: bir sutka qalan çay vitaminini itirməklə bərabər, yüksək miqdarda protein və şəkərə görə bakteriyalar üçün əla şərait yaradır. Bir gün qalmış çay bir halda xeyirlidir. Əgər çay xarab olmayıbsa, ondan müalicə məqsədilə istifadə etmək olar. Belə ki, bir sütka qalmış çay turşu və ftorla zəngin olur. Kapilyarlarda qanaxmanın qarşısını aldığına görə qalmış çaydan ağız boşluğu iltihablarında, dil yaralarında, damaq qanamalarında, dəri zədələrində, irinliklərdə istifadə olunur. Dünənki çayla gözləri silmək gözyaşlarından sonra xoşəgəlməz hissi aradan qaldırır. Səhər dişləri fırçalamazdan əvvəl və yeməkdən sonra ağzınızı dünənki dəmlə yaxalasanız, həm dişləriniz möhkəmlənəcək, həm də təravət hissi yaradacaq. İndi də gələk, içdiyimiz təbii qara çayın faydalarına: Ağır və yağlı yeməklərdən 1 saat sonra qəbul olunması həzm prosesini asanlaşdırır. Ona rəng verən birləşmələr damar çəpərlərini gücləndirir, beyin də daxil olmaqla bütün orqanlarda hər cür qanaxma riskini azaldır. Çay içilməsi qan dövranını yaxşılaşdırır, diş minasını möhkəmləndirir, bədəni zərərli maddələrdən təmizləyərək böyrəklərin daha yaxşı işləməsini təmin edir. Qara çay B2, C və E vitaminləri, maqnezium, kalium, sink və kofein ehtiva etdiyi üçün dəriağardıcı təsirə malikdir. O, qanda xolesterinin səviyyəsini aşağı salır. Bu ətirli içkini qəbul etmək ürək-damar xəstəliklərinə profilaktiki təsir göstərir. Belə ki, çayda olan faydalı maddələr damarları təmizləyir və elastikliyi artırır.