#TAZAMA| MAKAMU WA RAIS DK. MPANGO AWAAGIZA VIONGOZI KIGOMA, KUTATUA CHAGAMOTO

Makamu wa Rais wa Jamhuri ya Muungano wa Tanzania Dkt. Philip Isdor Mpango amewaagiza viongozi wa mkoa wa Kigoma kuhakikisha kero zote zilizoibuliwa wakati wa ziara yake zinapatiwa ufumbuzi wa haraka. Makamu wa Rais ameyasema hayo wakati wa majumuisho ya ziara yake ya kikazi ya siku nne alioifanya katika mkoa huo. Amewaagiza kutenga siku maalum za kuwasikiliza wananchi na kutatua changamoto zao. Aidha Makamu wa Rais amesema serikali ya awamu ya sita pamoja na mambo mengine imeweka kipaumbele sekta ya biashara hapa nchini hivyo viongozi wa Mikoa kuhakikisha wanaweka mazingira rafiki kwa wawekezaji. Amemuagiza mkuu wa mkoa wa Kigoma Thobias Andengenye kuitisha Baraza la biashara la mkoa huo ili kusikiliza changamoto za wafanyabiashara na kutolea ufumbuzi. Kuhusu migogoro baina ya wananchi na askari katika maeneo ya hifadhi, Makamu wa Rais ameagiza uwepo ufumbuzi wa haraka katika maeneo hayo ili kuepusha hasara wanayopata wananchi baada ya kufanya shughuli za kiuchumi katika maeneo hayo na baadae kuzuiliwa na mamlaka za uhifadhi. Follow us on: FACEBOOK; SpotiLeo:   / spotileo-176.  . HabariLeo:   / habarileo   DailyNews:   / dailynewstz   INSTAGRAM; HabariLeo: https://instagram.com/habarileo_tz?ig... SpotiLeo: https://instagram.com/spotileo?igshid... TWITTER; Twitter HabariLeo: https://twitter.com/HabariLeo?s=09