譚詠麟率眾星現身周年派對 劉德華為94歲胡楓送生日驚喜

譚詠麟率眾星現身周年派對 劉德華為94歲胡楓送生日驚喜 同藝能集團多年合作無間嘅 譚詠麟 同 劉德華 ，1月17號晚率領一眾藝人出席慶祝「藝能集團40周年 特高娛樂20周年」嘅晚宴，會場星光熠熠，連18號一早要參加馬拉松10公里賽事嘅周潤發，亦應校長邀請出席，發哥話好開心見到好多舊朋友，亦恭喜創辦人張國忠嘅成就。 趁住咁開心嘅日子，校長同華仔邀請咗一位喺圈中得高望重，人見人愛嘅前輩上台，佢就係修哥胡楓，原來佢哋係為修哥送上生日驚喜，為修哥慶祝1月18號94歲生日，修哥開心到見牙唔見眼，仲笑住講「搞啲咁嘅嘢呀！」全場嘉賓一齊為修哥吶喊「生日快樂！身體健康！」 歌影視巨星紅人都齊集盛會，包括洪金寶、曾志偉、溫拿五虎、李克勤、黃日華、陳山聰、劉佩玥、周志文、丁子朗等等，而未能出席嘅許冠傑、張智霖、夏韶聲拍片祝賀，楊千嬅更上台獻唱祝賀，而一眾「中聲」唱將亦獲邀出席，周吉佩、羅啟豪同張與辰等人上台大合唱「朋友」。 #譚詠麟 #周潤發 #洪金寶 #曾志偉 #溫拿 #劉德華 #胡楓 #94歲生日 #藝能集團 #特高娛樂 #周吉佩 #羅啟豪 #張與辰 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0