Alalá nº 61 "A Taberna do Lourenzo"

ALALÁ nº 61 "A Taberna do Lourenzo" Emisión en Televisión de Galicia: 15/01/08 Hoxe ides coñecer varias caras desta cidade: por un lado o Vigo industrial, por outro o Vigo urbano e para completar, o Vigo de barrio, no que conflúen tódolos matices. Partimos, como xa vistes, do Barrio de San Paio, unha zona que antes era rural pero que, pouco a pouco foi absorvida pola cidade. Aínda así, entre edificios e carreteras, quedan as pequenas hortas, o proximidade dos veciños coñecidos de toda a vida e lugares coma Taberna do Lorenzo, no que se manten algo tan popular coma o costume de cantar cos amigos. Unha tradición que vén de vello. De feito, todos recordan aquelas noites nas que músicos e grandes gaiteiros coma Moxenas ou Ricardo Portela, se xuntaban cos amigos no Pozo Negro. Moitas daquelas tabernas pecharon pero na do Lorenzo seguen xuntándose para cantar e tocar, sobre todo instrumentos de percusión coma o charrasco, as culleres ou bombo que, as veces acompañan coa gaita ou coa guitarra...unha influenza que vén das rondallas, formacións que tiveron moitas presenza na zona de Pontevedra.