يامغرق فرعون/ خالد ال بريك/ يامغرق فرعون ياعون العباد من الهموم/ جديد 2026

يامغرق فرعون/ خالد ال بريك/ يامغرق فرعون ياعون العباد من الهموم/ جديد 2026 كلمات :: ضاري صباح ال سنيد اداء المنشد :: خالد ال بريك تصميم :: شيلات خالد ال بريك …   ​ . . . . . الكلمات :: يامغرق فرعون ياعون العباد من الهموم انت العليم بعبدك وتدري وش اللي مقلقه يا مهلكٍ عاد بعذاب ليال وايامٍ حسوم حتى غدو صرعى تقول جذوع من دون ورقه اعوذ بك من ضيقةٍ منها يضيقنّ الهدوم وعصريةٍ فيها يجي تكّاك خاطر وغلقه وبحماك لامن وآفة الحلقوم والموت محتوم لا طنّبت بين التراقي ثم طلع صوت شهقَه عساي في ضلك بيوم لا ضلال ولا غيوم واحدٍ موازيه عرقه واحدٍ مغطيه عرقه ياحي يا قيّوم أنا عبدك واصلّي لك واصوم عبدك وابن عبدك وناصيته لوجهك مُطلَقه طاحت عراوي كل خلقك مايبي منهم قسوم مستمسكٍ بالعروه الوثقى عساك توفّقه يغويني الشيطان بعض احيان لاكنك رحوم ماعندي إلا كتابك المنزل كتاب أصدّقه أما بعد ل اللي يهمه الأمر والنايم يقوم اهم شي وجيهنا مصدر ثقه وموثقه خلوني اخذ راحتي ترى الشغف شبه امعدوم مدري أنا فيني بلا ولا الزمن فيه محقه الناس قبل التقنيه كلٍ مقدّر ومحشوم لين استخفو في سبيل المحتوى والطقطقه من كثر ماقل الحيا في صيغة قضيّا لزوم يمكن تشك ان بعضهم مغسول وجهه بمرقه جايز نضجت اكثر من اللازم لَكن على العموم الوقت متغير علي وضعه وحتى منطقه اكافح الايام ماني من عنا الوقت معصوم وصدري من الخيبات صاير للخلايق محرقه كل اصدقانا اللي مقابرهم ورى الصدر الكتوم ما ماتو بحادث مروري ماتو بحادث ثقه سقف الهقاوي وهَّق عيال الحراير والقروم خلا النشاما بين سندان الردي والمطرقه واللي مهوب لـ الله ترى مافيه خير وما يدوم كم رغبةٍ في عنقها علّقت حبل المشنقه الخاطر اليا طاب من حاجه ترى عنها يشوم لاني ليا عفت الأمر كنّي قدرت أحققه وانا مقلل فالقصيد وفي ملاحاة الرجوم وشعر الهوى فالأطرق المزيون هو ومعنّقه وما دور التجار وأصحاب المناصب والختوم مغنيني الله عن مديحٍ فيه نسبة لصمقه لاكن مديح ابو فهد سلمان يبغيله عزوم هذا عليه انتخ عيون الشعر واخذ بندقه الحاكم اللي تحت فيّة مشلحه يقطن عموم الشرق الأوسط لين دانت له شعوب المنطقه واليا سمَك عرفه حصان بليس وراه النجوم حول عليه بهجمةٍ تلعن ثواه وتحرقه صقّر له قطاميٍّ اليا حام ترتاع الخصوم من مخلبه تقطر دميّ أخصامنا المتسلّقه سلام ياهاك الوليده لابدى رثم الخشوم عيون عدوانك من الهيبه عليك مبحلقه سلام ي محمد سلام إسلام والخطّر سلوم تسليمةٍ ماهي بعاديه وفيها عملقه . . . . . من فضلك : اشتراك 🔔 Subscribe - لايك Like فعل الجرس 🛎 ليصلك كل جديد تصميم : شيلات خالد ال بريك ______________________ للتواصل والاستفسارات : ‏Whatsapp : ‭0507614989 — #خالد_ال_بريك​