بەیتار و فرۆشگەكانی گیادەرمانی لە لایەن حكوومەتەوە سەرپەرشتی ناكرێن

سەرەڕای ئەوەی لە ھەرێمی کوردستاندا سەدان فرۆشگەی گیادەرمانی سرووشتی ھەیە و ھەزاران بەیتار و جەراحەکان لە دیوەخانەکانییان چارەسەری نەخۆش دەکەن، بەڵام لەلایەن وەزارەتی تەندروستی حکوومەتی ھەرێمی کوردستانەوە سەرپەرشتی ناکرێن و بە نارێکخراوەیی ماونەتەوە و لە ژێر رێنمایی رێكخراوە ناحکوومییەکانی گیادەرمان کار دەکەن، ئەمەش لە کاتێکدایە کە وەزارەتی تەندروستی دان بە گیادەرمانی سرووشتی و بەیتارەکان نانێت. دەبێت ھۆکاری چیبێت بەشێک لە خەڵکی متمانەیان بە دکتۆرەکان نەماوە، ئایە لاوازی سێکتەری تەندرووستییە خەڵکی روودەکەنە بەیتار و گیادەرمانەکان؟ یاخود پەیوەندی بە ھۆشیاری و رۆشنبیری تاکەکانەوە ھەیە؟ دروون و دیاردەی ئەمجارە بە میوانداری د. سەفین قادر لە وەزارەتی تەندروستی و فرۆشیارێکی گیادەرمانی سرووشتی و مەلایەکی بەیتار، تاوتوێی ئەم پرسە دەكات. مەلای بەیتار ھێندە بڕوای بەخۆی ھەیە دەڵێت "من دەمارێک دەتەقێنم، دکتۆرەکان نایزانن". بەمیوانداری: سەفین قادر – بەڕیوەبەری بەشی دەرمانی گیایی لە وەزارەتی تەندروستی هەرێمی کوردستان محەممەد حاجی عەلی – خاوەن فرۆشگەی گیاەدەرمانی سروشتی محەمەد محەمەد ئەمین – بەیتار http://www.kurdistan24.net/so/derunud...