WANAUME MAGU WAKEMEA UKATILI WA KIUCHUMI KWA WANAWAKE

Wananchi katika Wilaya ya Magu mkoani Mwanza wamekemea tabia ya baadhi ya wanaume kutokomea na fedha wakati wa mavuno, wakisema ni ukatili wa kiuchumi unaodidimiza maendeleo ya familia. Wameyasema hayo wakati wa mdahalo wa kuzuia ukatili wa kijinsia hasa kwa wanawake na watoto uliofanyika katika Kijiji cha Bundilya, Kata ya Kahangala ulioendeshwa na wanamabadiliko ngazi ya jamii waliojengewa uwezo na shirika la KIVULINI.