Kadare merr çmimin “Jeronim de Rada” - News, Lajme - Vizion Plus

http://www.vizionplus.tv   / vizionplustv     / vizionplustv   Ismail Kadare, shkrimtari me i njohur shqiptar nderkombetarisht, ka marre këtë te shtune çmimin special “Jeronim De Rada”. Ne 200 vjetorin e lindjes se arbëreshit, organizatoret e Panairit te Librit dhe Ambasada Italiane ne Tirane vendosen te akordonin per here te pare nje çmim te tille, duke zgjedhur enkas Kadarenë, i cili e quajti nder marrjen e nje trofeu qe mban emrin e gjeniut te rilindjes tone kombëtare. Me herët Kadare u vendos ne stendën e shtëpisë se tij botuese, per te promovuar librin me te ri “Mëngjese ne kafe Rostand”. Si gjithmonë prania e shkrimtarit te shquar ne eventin e librit është një ngjarje qe shoqërohet me radhe te gjata te adhuruesve te tij, te cilët nuk munguan as këtë mëngjes duke pritur te merrnin nje autograf nga Kadare. Libri i ri i shkrimtarit tone me te rendesishem, vjen pas publikimit te romanit “Mjegullat e Tiranës.” “Mëngjese ne kafe Rostand” është nje përmbledhje me ese, vështrime, mbresa nga fëmijëria dhe tema qe kane te bëjnë me kulturën dhe letërsinë. Rostand nuk është gjë tjetër, veçse bar kafeja nga ku Kadare shkruan ne Paris prej vitesh.