الحلقة ( 3 )بنينة 2023 حسن مناع

النجع 💚 النجع 2023 بســم الله (بدينــا ) (بنينــا) بيوت النجــع عِنــّـــا يامُعين دار محل في وين مـــا نوينــا (ليه الحمد)ربي العــــالمين بنينا النجـــــع شدينا أطنابه جيبوا الخيل تلهد عـ الطناب خوك وبوك جيرانه أحبــــابه عامر دوم بوجود الأحبــــاب خلوا فيه يلتمــــــوا القــٰـرابه من الأبعــــاد والله مـ القراب نادوا الضيف وجوه أصحابه يعم الخير بوجود الأصحـاب نحنا هنا يا طــــــارش أنقابه أرمي عـ النجع نازل فـ النقاب ماهو حيط بيش نقفل أبوابه ولا يا باب مابعدك أحبـــاب ضيوف النجع عنه مام غرابه غريب عن النجع غير فرخ الغراب مرفوعات لين طـــال السحابه خشوم النجع فـ خشوم السحاب جاك الضيف يا فايح أصخــابه يعطس جاي من ريح الصخاب هات بخور يا لاوي العصـــــابة ريح (وشق )بتهدي الأعصــاب وكيلة الله من نــاوي خـــــرابة قلوب الحقد تجري عـ الخراب والعــاتاب مرحب بي عتـــــابه من الأحباب نقبل فـ العتــــاب ولادة وهلة نقشعلة ضبـــابة لا فـ النظر لافيه الضبــــــاب والغزاي والطــــــامع يهــابه نجع ورمز له هيبة إنهــــــاب فيه أجـــواد بالفضة أركــــابة وفيه أركـاب تلذع بالركـــــاب فيه (فقير ) عند (الله) ثــوابه لوجه الله ما يضيع الثــــواب شيخ النجع والربعة أكتـــــابه صلاة الفجر يفتح فـ الكتـــاب إن جاه سفيه ما يخسر أوجابه عليه الملح منطق والوجـــاب فيه نظام صارم موش غـــــابة وإن صار عياط مايقولوش غاب والمعلـــول هلنــــــا له أطبابة مشهـــورين للعلة أطبـــــــاب طيور النجع يحمنه أسرابـه ولام طماع تطمع فـ السراب النجع يهم ينهض بي شبابه هوه شباب والعزوة الشباب بعون الله ما أدومش اتعابه والنجع يقل واخذ عـ التعاب يعود النصر تزهـاله الربابـه نجع الجـــــود رباي الرباب خلها اتزن وتحـــــوس ذبابة يجيها الليل ويبات الذبــاب بنينا النجع وتقـــــاسر اكلابة نبح أكـــلاب بيجيب الكلاب طمع فـ السعي كان عون اذيابة عقاب الليل تعـــواة الذياب عدو النجع يرشق في أحرابة مايسحـــاب قدامه (أحراب) يحاصر فيه بينــــــوض ترابه نسى الهرواك نحنا هل تراب زراعين للخـــرجة الصـــــابة نطاقين منطق في الصواب أولاد النجع ما تعرف إنصابة غير النجع (بعوينة ) إنصاب ديما أفــراح ما يعرف كـــآبة حتى إنضام ما يجيه إكتئاب نشيل الهم والهم نعبــــــــابه وما ننقلش من خايب إن عاب ما نعباش عـ الفم السكـــــابه وما نعابوش فم إن كان سـاب ما يمخضش لين يثبت أروابه وما يزبـــدش من غير الرواب والحصـــــار حاسبله أحسابه وكل مفلوت دايرله الحساب دعي الوالدين كان البخت جابه يجيب كفنه وجله جــــاب جاب هذا النجع يا مغـــرغــــز هذابه النجع وهله ماهم للذهـــــــاب زراعين للخــــرجة الصــــــــابة نطــــاقين منطق في الصــواب له فرســـــــــان فزاعة (انيابـه) موجوعـين من كسـرة (النـاب)