Tarixi qələbəmizdən sonra “Azərişıq” ASC Çıraqlı kəndində yenidənqurma işləri həyata keçirib.

Vətən müharibəsi zamanı Ağdam rayonunun Çıraqlı kəndinə çoxlu sayda top və qrad mərmiləri atılmışdır ki, fərdi yaşayış evlərinə o cümlədən, elektrik enerjisi təchizatı şəbəkəsinə ciddi ziyan dəymişdi. Lakin müharibə bitdikdən sonra Cənab Prezident İlham Əliyevin müvafiq tapşırıqlarına əsasən kəndlərdə dağılmış evlərə dəymiş zərərlərin aradan qaldırılması ilə bərabər Çıraqlı kəndində 10/0.4 kv-luq elektrik şəbəkəsinin yenidən qurulmasına başlanmışdır və hazırda işlər tamamilə yekunlaşıb. Qeyd edək ki, 70 abonentin yaşadığı Çıraqlı kəndində yeni metal dayaqlar əkilib, izolyasiyalı naqillər çəkilib, yeni transformator və sayğaclar quraşdırılıb.