Lëviznin “eskortë”, telefonata që çoi në ndalimin e Ramazan Rrajës dhe 3 miqve

#oranews #ramazarraja Një informacion i mbërritur me telefon, në sallën operative në Policinë e Tiranës, se persona të armatosur dhe me precedentë penalë, lëviznin “eskortë” me tre makina të blindura, ka mobilizuar forcat “Shqiponja”, me qëllim ndalimin dhe kontrollin e mjeteve. Në fotot e siguruar nga “Ora News” shihet qartë bllokimi i mjeteve të blinduara nga forcat “Shqiponja”, në zonën e “Qafë Kasharit” dhe kur Ramazan Rraja dhe personat që e shoqëronin atë, janë ndaluar dhe shoqëruar në ambjentet e Policisë së Tiranës. Rramazan Rraja dhe tre persona të tjerë shokë të tij, janë marë në pyetje lidhur me trajektoren e lëvizjes së tyre, dhe pronësinë e tre automjeteve të blinduara. Ramazan Rraja, është nipi i deputetit të PS për Krujën, Rrahman Rraja. Ai konsiderohet nga policia dhe prokuroria si miku i Plaurent Dervishaj, i cili prej dy vite qëndron si resident në Dubai, megjithëse kërkohet nga SPAK për vrasjen e Klodian Saliut në shkurt të 2005. Emri i Ramazan Rrajës, u përmend nga policia edhe në masakrën e mbikalimit të Fushë-Krujës, ku mbetën të vrarë tre persona Briland Martinaj, Dilen Vata dhe Besmir Hoxha. Rraja kërkohej, për tu marrë në pyetje si person që kishte dijeni për këtë ngjarje. Por pas ezaurimit të intervistimit të tij në polici, ai është lënë sërisht i lirë. Nipi i deputetit, më shumë se një vit më pare, u bë protagonist i dhunës barbare ndaj një vajze, ngjarje e cila ndodhi në ambjentet e QSUT-së. Rraja gjithashtu u rikthye në qendër të vëmendjes pas publikimit të një video ku shfaqen në një lokal në Fushë-Krujë me kallashnikov, duke terrorizuar klientët. Për më shumë lexoni në: https://www.oranews.tv/vendi/leviznin... Follow Televizionin Ora News Website: www.oranews.tv Youtube http://bit.ly/2DDddtL Facebook: http://bit.ly/2RkUN4s Instagram   / oranewstv   Twitter   / oranewsrtv